తగ్గిన బంగారం, వెండి ధరలు: హైదరాబాద్‌లో ఎంత ఉందంటే?

ముంబై: బంగారం, వెండి ధరలు గురువారం(అక్టోబర్ 15) క్షీణించాయి. దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్ (MCX)లో 10 గ్రాముల డిసెంబర్ గోల్డ్ 0.26 శాతం (రూ.129) క్షీణించి రూ.50,413 పలికింది. నేడు రూ.50,314 వద్ద ప్రారంభమైంది. ఉదయం గం.11 సమయం వరకు రూ.50,445 వద్ద గరిష్టాన్ని, రూ.50,314 కనిష్టాన్ని తాకింది. ఇదే ధర వద్ద ట్రేడ్ అవుతోంది. ఫిబ్రవరి ఫ్యూచర్స్ రూ.64 క్షీణించి రూ.50,560 పలికింది. రూ.50,552 వద్ద ప్రారంభం కాగా, 11 గంటల వరకు రూ.50,580 వద్ద గరిష్టాన్ని, రూ.50,507 కనిష్టాన్ని తాకింది.

బంగారం, వెండి తగ్గుదల

తాజా తగ్గుదలతో బంగారం ధర ఆల్ టైమ్ గరిష్టం రూ.56,200తో రూ.5,700కు పైగా తక్కువగా ఉంది. బంగారం ధర స్వల్పంగా తగ్గగా, వెండి ధర కూడా అదే దారిలో పయనించింది. డిసెంబర్ వెండి ఫ్యూచర్ కిలో రూ.493(-0.80%) క్షీణించి రూ.61,110 వద్ద ట్రేడ్ అయింది. ఫ్యూచర్ మార్కెట్లో వెండి రూ.61,114 వద్ద ప్రారంభమై రూ.61,265 వద్ద గరిష్టా్ని తాకింది. ఓ సమయంలో రూ.60,811 వద్ద కనిష్టాన్ని తాకింది. ప్రస్తుతం రూ.500 తగ్గుదలతో ట్రేడ్ అవుతోంది. వెండి మార్చి ఫ్యూచర్ రూ.453 (-0.71%) తగ్గి రూ.62,966 పలికింది.

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లో కూడా పసిడి ధరలు క్షీణించాయి. కామెక్స్‌లో ఔన్స్ బంగారం ధర 0.16 శాతం క్షీణించి 1,904.35 డాలర్లు పలికింది. 1,895.65 - 1,906.85 మధ్య ట్రేడ్ అయింది. క్రితం సెషన్‌లో 1907 వద్ద క్లోజ్ అయింది. వెండి ఫ్యూచర్స్ 0.59 శాతం క్షీణించి 24.245 డాలర్లు పలికింది. 24.067 - 24.410డాలర్ల మధ్య ట్రేడ్ అయింది. క్రితం సెషన్‌లో 24.395 వద్ద క్లోజ్ అయింది.

బంగారం ధరలు..

నిన్న ప్రారంభంలో ఎంసీఎక్స్ పసిడి ధరలు పెరిగాయి. ఓ సమయంలో బంగారం రూ.275 పెరిగి రూ.50,520 పలికింది. ఆ తర్వాత క్షీణించాయి. హైదరాబాద్, విజయవాడ, విశాఖపట్నం మార్కెట్లలో రూ.300 వరకు తగ్గి 24 క్యారెట్ల బంగారం రూ.52,790 పలికింది. 22 క్యారెట్ల పసిడి రూ.48,360 పలికింది.