వరుసగా రెండో రోజు బంగారం ధరలు డౌన్, రూ.50,000కు దిగువన పసిడి, వెండి కూడా అదే దారి

ముంబై: బంగారం ధరలు వరుసగా రెండో రోజు క్షీణించాయి. పసిడి ధరలు క్షీణించినప్పటికీ రూ.49 వేల పైనే కదలాడుతున్నాయి. నిన్న గురువారం ఓ సమయంలో భారీగా తగ్గి రూ.49,000 దిగువకు పడిపోయినప్పటికీ, ఆ తర్వాత కాస్త పుంజుకున్నాయి. రూ.200కు పైగా నష్టపోయినప్పటికీ, చివరకు రూ.49,000 పైన క్లోజ్ అయింది. ఇటీవల పసిడి ధరలు పైకీ కిందకు కదులుతున్నాయి. రూ.52వేల దిగువ నుండి రూ.48,000 పైన కదలాడుతున్నాయి. డాలర్ క్షీణించడం, యూఎస్ ట్రెజరీ యీల్డ్స్ తక్కువగా ట్రేడ్ కావడంతో బంగారం ధరలపై ప్రభావం పడింది. అమెరికా ఆర్థిక ప్యాకేజీ కూడా ఉంది. పసిడి ధరలు ఇప్పటికీ ఆల్ టైమ్ గరిష్టం రూ.56200తో రూ.7200 వరకు తక్కువగా ఉంది.

49,000 పైన పసిడి

నేడు (శుక్రవారం 15, జనవరి) ఉదయం ఎంసీఎక్స్‌లో ఫిబ్రవరి గోల్డ్ ఫ్యూచర్స్ 61.00 (-0.12%) తగ్గి రూ.49,160.00 వద్ద ట్రేడ్ అయింది. రూ.49,088.00 వద్ద ప్రారంభమైన ధర, రూ.49,188.00 వద్ద గరిష్టాన్ని, రూ.49,077.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.7000 వరకు తక్కువగా ఉంది.

ఏప్రిల్ గోల్డ్ ఫ్యూచర్స్ రూ.62.00 (-0.13%) తగ్గి రూ.49,167.00 వద్ద ప్రారంభమైంది. రూ.49,130.00 వద్ద ప్రారంభమైన ధర, రూ.49,178.00 వద్ద గరిష్టాన్ని, రూ.49,130.00 వద్ద కనిష్టాన్ని తాకింది.

రూ.560 తగ్గిన వెండి

సిల్వర్ గోల్డ్ ఫ్యూచర్స్ కూడా భారీగానే తగ్గింది. కిలో సిల్వర్ ఫ్యూచర్స్ మార్చి 568.00 (-0.85%) తగ్గి రూ.66115.00 వద్ద ట్రేడ్ అయింది. రూ.65,978.00 వద్ద ప్రారంభమై, రూ.66,266.00 వద్ద గరిష్టాన్ని, రూ.65,978.00 వద్ద కనిష్టాన్ని తాకింది.

మే సిల్వర్ ఫ్యూచర్స్ కూడా తగ్గింది. రూ.-173.00 (-0.26%) తగ్గి రూ.67098.00 వద్ద ట్రేడ్ అయింది. రూ.67,026.00 వద్ద ప్రారంభమైన ధర, రూ.67,105.00 వద్ద గరిష్టాన్ని, రూ.67026.00 వద్ద కనిష్టాన్ని తాకింది.

1850 డాలర్ల వద్ద...

అంతర్జాతీయ మార్కెట్లో పసిడి ధర 1850 డాలర్ల వద్ద ఉంది. గోల్డ్ ఫ్యూచర్స్ ఔన్స్ 0.30 (+0.02%) డాలర్లు తగ్గి 1,851.70 డాలర్ల వద్ద ట్రేడ్ అయింది. నేటి సెషన్లో 1,845.40 - 1,855.60 డాలర్ల మధ్య కదలాడింది. ఏడాదిలో పసిడి ధర 17.29% శాతం పెరిగింది. సిల్వర్ ఫ్యూచర్స్ కూడా తగ్గింది. ఔన్స్ ధర 0.160

(-0.62%) డాలర్లు తగ్గి 25.642 డాలర్ల వద్ద ట్రేడ్ అయింది. నేటి సెషన్లో 25.565 - 25.855 డాలర్ల మధ్య కదలాడింది. ఏడాదిలో 42.4 శాతం పెరిగింది.