Gold prices today: 5వ రోజు తగ్గిన బంగారం ధరలు, రూ.48,500 దిగువకు..
ముంబై: దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్ (MCX)లో పసిడి ధరలు ఐదో రోజు క్షీణించాయి. నిన్న మిడిల్ సెషన్లో ధరలు స్వల్పంగా పెరిగినప్పటికీ ఆ తర్వాత క్లోజింగ్ సమయానికి తగ్గాయి. నిన్న డిసెంబర్ గోల్డ్ ఫ్యూచర్స్ రూ.48,500కు పైన ముగిసింది. ఫిబ్రవరి ఫ్యూచర్స్ కూడా అలాగే ముగిసింది. డిసెంబర్ సిల్వర్ ఫ్యూచర్స్ కూడా రూ.60,000 దిగువ ముగిసింది. మార్చి ఫ్యూచర్స్ రూ.61,000 పైన క్లోజ్ అయింది. బంగారం ధర ఈ వారం ఐదు సెషన్లలో రూ.1700కు పైగా తగ్గింది. అంతర్జాతీయ మార్కెట్లోను పసిడి ధరలు క్షీణించాయి.
రూ.48,500 దిగువకు బంగారం ధరలు
ఎంసీఎక్స్లో శుక్రవారం (నవంబర్ 27) ఉదయం సెషన్లో డిసెంబర్ గోల్డ్ ఫ్యూచర్స్ రూ.52.00 (-0.11%) తగ్గి రూ.48,465.00 వద్ద ట్రేడ్ అయింది. రూ.48,508.00 ప్రారంభమైన ధర, రూ.48,522.00 వద్ద గరిష్టాన్ని, రూ.48,457.00 వద్ద కనిష్టాన్ని తాకింది.
ఫిబ్రవరి ఫ్యూచర్స్ రూ.66.00 (-0.14%) క్షీణించి రూ.48452.00 వద్ద ట్రేడ్ అయింది. రూ.48,502.00 ప్రారంభమై, రూ.48,560.00 వద్ద గరిష్టాన్ని తాకి, రూ.48,442.00 కనిష్టాన్ని తాకింది.
బంగారం ధరలు రూ.48,500 దిగువకు వచ్చాయి. ఆల్ టైమ్ గరిష్టం రూ.56,200తో రూ.7700 తక్కువగా ఉంది.
వెండి ధరలు డౌన్
వెండి ఫ్యూచర్స్ స్వల్పంగా తగ్గింది. డిసెంబర్ ఫ్యూచర్స్ రూ.373.00 (-0.62%) క్షీణించి రూ.59,500.00 వద్ద ట్రేడ్ అయింది. రూ.59,507.00 వద్ద ప్రారంభమై, రూ.59,658.00 వద్ద గరిష్టాన్ని, రూ.59,456.00 వద్ద కనిష్టాన్ని తాకింది.
మార్చి ఫ్యూచర్స్ రూ.439.00 (-0.71%) క్షీణించి రూ.61184.00 వద్ద ట్రేడ్ అయింది. రూ.61,299.00 వద్ద ప్రారంభమై, రూ.61,363.00 వద్ద గరిష్టాన్ని, రూ.61,184.00 వద్ద కనిష్టాన్ని తాకింది.
సిల్వర్ ఫ్యూచర్స్ రూ.రూ.59,500 స్థాయికి వచ్చింది. ఆల్ టైమ్ గరిష్టంతో రూ.20వేల వరకు తక్కువ పలుకుతోంది.
అంతర్జాతీయ మార్కెట్లో ధరలు..
అంతర్జాతీయ మార్కెట్లో గోల్డ్ ఫ్యూచర్స్ 1800 డాలర్ల మధ్య తచ్చాడుతున్నాయి. ఔన్స్ గోల్డ్ ఫ్యూచర్స్ +0.35 (+0.02%)పెరిగి 1,805.85 డాలర్ల వద్ద ట్రేడ్ అయింది. 1,804.70 - 1,811.50 డాలర్ల మధ్య ట్రేడ్ అయింది. క్రితం సెషన్లో 1,805.50 డాలర్ల వద్ద క్లోజ్ అయింది. ఏడాదిలో 22 శాతం పెరిగింది.
సిల్వర్ ఫ్యూచర్స్ -0.199 (-0.85%) క్షీణించి 23.160 డాలర్ల వద్ద ట్రేడ్ అయింది. 23.145 - 23.330 మధ్య ట్రేడ్ అయింది. క్రితం సెషన్లో 23.362 డాలర్ల వద్ద ముగిసింది. ఏడాదిలో 35 శాతం పెరిగింది.