మూడ్రోజుల్లో రూ.1000 తగ్గిన బంగారం ధరలు, అక్కడ మళ్లీ జంప్

బంగారం ధరలు నేడు(ఏప్రిల్ 26, సోమవారం) స్వల్పంగా తగ్గుముఖం పట్టాయి. క్రితం వారం రూ.48,000 క్రాస్ చేసిన గోల్డ్ ఫ్యూచర్స్ ఇప్పుడు రూ.47,500 దిగువన ట్రేడ అవుతోంది. తద్వారా గత మూడు సెషన్‌లలో పసిడి ఏకంగా రూ.1000 వరకు క్షీణించింది. సిల్వర్ ఫ్యూచర్స్ గత వారం ఓ సమయంలో రూ.70,000ను తాకింది. ఇప్పుడు రూ.68,500 దిగువన ట్రేడ్ అవుతోంది. బంగారం ఆల్ టైమ్ గరిష్టం రూ.56,200తో పోలిస్తే రూ.8700 తక్కువగా ఉండగా, వెండి రూ.11,000 వరకు తక్కువగా ఉంది.

రూ.47,500 దిగువన పసిడి

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేటి మధ్యాహ్నం సెషన్లో రూ.37.00 (-0.08%) తగ్గి రూ.47495.00 వద్ద ట్రేడ్ అయింది. రూ.47,604.00 ప్రారంభమైన ధర, రూ.47,650.00 గరిష్టాన్ని, రూ.47,370.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ రూ.45.00 (-0.09%) తగ్గి రూ.47788.00 వద్ద ట్రేడ్ అయింది. రూ.47,911.00 ప్రారంభమైన ధర, రూ.47,919.00 గరిష్టాన్ని, రూ.47,691.00 కనిష్టాన్ని తాకింది.

వెండి స్వల్ప తగ్గుదల

మే సిల్వర్ ఫ్యూచర్స్ రూ.213.00 (-0.31%) తగ్గి రూ.68461.00 వద్ద ట్రేడ్ అయింది. రూ.69,086.00 వద్ద ప్రారంభమై, రూ.69,437.00 గరిష్టాన్ని, రూ.68,055.00 వద్ద కనిష్టాన్ని తాకింది. జూలై సిల్వర్ ఫ్యూచర్స్ రూ.185.00 (-0.26%) తగ్గి రూ.69649.00 వద్ద ట్రేడ్ అయింది. రూ.69,944.00 ప్రారంభమైన ధర, రూ.70,095.00 వద్ద గరిష్టాన్ని, రూ.69,215.00 కనిష్టాన్ని తాకింది.

అంతర్జాతీయ మార్కెట్లో...

అంతర్జాతీయ మార్కెట్లో గోల్డ్ ఫ్యూచర్స్ ధరలు నేడు స్వల్పంగా పెరిగాయి. +3.25 (+0.18%) డాలర్లు తగ్గి 1,781.00 డాలర్ల వద్ద కదలాడింది. నేటి సెషన్లో 1,773.65 - 1,783.10 డాలర్ల మధ్య కదలాడింది. సిల్వర్ ఫ్యూచర్స్ స్వల్పంగా పెరిగింది. 26 డాలర్లకు పైనే ఉంది. +0.058 (+0.22%) డాలర్లు తగ్గి 26.133 డాలర్ల వద్ద ట్రేడ్ అయింది. నేటి సెషన్లో 25.905 - 26.177 డాలర్ల మధ్య కదలాడింది.