నేడు స్వల్పంగా పెరిగిన బంగారం ధరలు, రూ.45,000కు పడిపోతాయా?

బంగారం ధరలు వరుసగా రెండో రోజు పెరిగాయి. అయితే నేడు (ఫిబ్రవరి 8, సోమవారం) అతి స్వల్పంగా పెరిగాయి. బడ్జెట్ ప్రకటన అనంతరం పసిడి ధరలు భారీగా క్షీణించాయి. రూ.2000కు పైగా తగ్గాయి. ఓ సమయంలో రూ.47,000 దిగువకు వచ్చాయి. అయితే గతవారం చివరి సెషన్లో రూ.47,000 దాటాయి. నేడు ప్రారంభ సెషన్లో కూడా పడిపోయిన ధరలు, ఆ తర్వాత స్వల్పంగా పెరిగాయి. ఆగస్ట్ 7వ తేదీ నాటి ఆల్ టైమ్ గరిష్టం రూ.56,200తో చూస్తే రూ.9000 తక్కువగా ఉన్నాయి.

బంగారం ధరలు ఈవారం కూడా కాస్త పైకి చేరే అవకాశాలు లేకపోలేదని అంతర్జాతీయ బులియన్ మార్కెట్ నిపుణులు అంచనా వేస్తున్నారు. బంగారం ధరలు రూ.45,000 స్థాయికి పడిపోయే అవకాశాలు కొట్టిపారేయలేమని నిపుణులు అంచనా వేస్తున్నారు.

స్వల్పంగా పెరుగుదల

ఎంసీఎక్స్‌లో ఏప్రిల్ గోల్డ్ ఫ్యూచర్స్ నేడు (సోమవారం, ఫిబ్రవరి 8వ తేదీ) ఉదయం 96.00 (0.20%) పెరిగి రూ.47,352.00 వద్ద ట్రేడ్ అయింది. రూ.47,352.00 వద్ద ప్రారంభమైన ధర, రూ.47,387.00 వద్ద గరిష్టాన్ని, రూ.47,152.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.9000 వరకు తక్కువ ఉంది. జూన్ గోల్డ్ ఫ్యూచర్స్ రూ.136.00 (0.29%) పెరిగి రూ.47,257 వద్ద ట్రేడ్ అయింది. రూ.47,257.00 వద్ద ప్రారంభమైన ధర, రూ.47,497.00 వద్ద గరిష్టాన్ని, రూ.47,257.00 వద్ద కనిష్టాన్ని తాకింది.

వెండి కూడా...

వెండి ధర కూడా స్వల్పంగా పెరిగింది. మార్చి సిల్వర్ ఫ్యూచర్స్ కిలో 218.00 (0.32%) పెరిగి రూ.68956.00 వద్ద ట్రేడ్ అయింది. రూ.68,700.00 వద్ద ప్రారంభమైన ధర, రూ.69,032.00 వద్ద గరిష్టాన్ని, రూ.68,420.00 వద్ద కనిష్టాన్ని తాకింది.

మే సిల్వర్ ఫ్యూచర్స్ కూడా రూ.229.00 (0.33%) పెరిగి రూ.70030.00 వద్ద ట్రేడ్ అయింది. రూ.69,597.00 వద్ద ప్రారంభమైన ధర, రూ.70,080.00 వద్ద గరిష్టాన్ని, రూ.69,496.00 వద్ద కనిష్టాన్ని తాకింది.

పసిడి

అంతర్జాతీయ మార్కెట్లో పసిడి ధర భారీగా తగ్గినప్పటికీ, నేడు మళ్లీ పెరిగి 1800 డాలర్ల పైనే కదలాడుతోంది. గోల్డ్ ఫ్యూచర్స్ ఔన్స్ 1.85 (0.10%) డాలర్లు పెరిగి 1814.84 డాలర్ల వద్ద ట్రేడ్ అయింది. ఈ సెషన్లో 1,808.35 - 1,819.50 డాలర్ల మధ్య కదలాడింది. ఏడాదిలో పసిడి ధర 13.77% శాతం పెరిగింది. సిల్వర్ ఫ్యూచర్స్ కూడా పెరిగింది. ఔన్స్ ధర 0.188 (0.70%) డాలర్లు పెరిగి 27.190 డాలర్ల వద్ద ట్రేడ్ అయింది. నేటి సెషన్లో 26.933 - 27.390 డాలర్ల మధ్య కదలాడింది. ఏడాదిలో 52.264 శాతం పెరిగింది.