భారీగా పడిపోయిన బంగారం ధరలు, 10 గ్రాములు రూ.44,200 మాత్రమే!

రూ.12 వేలు తక్కువ

ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో బంగారం ధర నేడు (సోమవారం, మార్చి 8) సాయంత్రం సెషన్లో రూ.44,202 స్థాయికి దిగి వచ్చింది. ఏప్రిల్ గోల్డ్ ఫ్యూచర్స్ రూ.481.00 (-1.08%) తగ్గి రూ.44,202.00 వద్ద ట్రేడ్ అయింది. రూ.44,756.00 వద్ద ప్రారంభమైన ధర, రూ.44,780.00 వద్ద గరిష్టాన్ని, రూ.44,150.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.12,000 తక్కువ ఉంది. జూన్ గోల్డ్ ఫ్యూచర్స్ కూడా తగ్గింది. రూ.441.00 (-0.98%) తగ్గి రూ.44425.00 వద్ద ట్రేడ్ అయింది. రూ.44,903.00 వద్ద ప్రారంభమైన ధర, రూ.44,964.00 వద్ద గరిష్టాన్ని, రూ.44,400.00 వద్ద కనిష్టాన్ని తాకింది.

వెండి రూ.65,500 పైకి

వెండి ధరలు స్వల్పంగా పెరిగాయి. మార్చి సిల్వర్ ఫ్యూచర్స్ కిలో రూ.149.00 (0.23%) పెరిగి రూ.65752.00 వద్ద ట్రేడ్ అయింది. రూ.66,455.00 వద్ద ప్రారంభమైన ధర, రూ.66,633.00 వద్ద గరిష్టాన్ని, రూ.65,247.00 వద్ద కనిష్టాన్ని తాకింది. మే సిల్వర్ ఫ్యూచర్స్ కూడా పెరిగింది. కిలో రూ.177.00 (0.27%) పెరిగి రూ.66733.00 వద్ద ట్రేడ్ అయింది. రూ.67,571.00 వద్ద ప్రారంభమైన ధర, రూ.67,595.00 వద్ద గరిష్టాన్ని, రూ.66,359.00 వద్ద కనిష్టాన్ని తాకింది.

1700 డాలర్ల దిగువకు పసిడి

అంతర్జాతీయ మార్కెట్లో పసిడి ధరలు నేడు భారీగా తగ్గాయి. 1700 డాలర్ల దిగువకు వచ్చాయి. నేటి సెషన్లో గోల్డ్ ఫ్యూచర్స్ ఔన్స్ 21.55 (-1.27%) డాలర్లు తగ్గి 1676.95 డాలర్ల వద్ద ట్రేడ్ అయింది. ఈ సెషన్లో 1,675.60 - 1,711.75 డాలర్ల మధ్య కదలాడింది. సిల్వర్ ఫ్యూచర్స్ 25 డాలర్ల స్థాయికి వచ్చింది. ఔన్స్ ధర 0.110 (-0.44%) డాలర్లు తగ్గి 25.177 డాలర్ల వద్ద ట్రేడ్ అయింది. నేటి సెషన్లో 24.975 - 25.960 డాలర్ల మధ్య కదలాడింది.