నిన్న రూ.1200 పెరిగిన బంగారం, నేడు స్థిరంగా: రూ.51,000 దాటిన పసిడి, వెండి రూ.71,000కు పైన

బంగారం ధరలు నేడు దాదాపు స్థిరంగా ఉన్నాయి. నిన్న (సోమవారం, జనవరి 4) భారీగా ఎగిసిన ధరలు నేడు దాదాపు స్థిరంగా ఉన్నాయి. నిన్న దాదాపు రూ.1200 పెరిగి కొనుగోలుదారులకు షాకిచ్చింది. వెండి రూ.2000 వరకు పెరిగింది. బంగారం ధరలు ఆల్ టైమ్ గరిష్టం రూ.56,200తో రూ.4700 తక్కువగా ఉంది. పసిడి ధరలు గత ఏడాది ఆగస్ట్‌లో జీవనకాల గరిష్టాన్ని తాకి, ఆ తర్వాత పడిపోయాయి. ఏడాది చివరలో రూ.50,000 వద్ద ముగిసింది.

భారీ పెరుగుదల తర్వాత స్థిరంగా..

నేడు ఎంసీఎక్స్‌లో ఫిబ్రవరి గోల్డ్ ఫ్యూచర్స్ ఉదయం అతి స్వల్పంగా పెరిగినప్పటికీ, ఆ తర్వాత అదే విధంగా తగ్గాయి. దాదాపు స్థిరంగా ఉన్నాయి. ఉదయం గం.10 సమయానికి ఫిబ్రవరి గోల్డ్ ఫ్యూచర్స్ రూ.26.00 (-0.05%) తగ్గి రూ.51398.00 వద్ద ట్రేడ్ అయింది. రూ.51,397.00 వద్ద ప్రారంభమైన ధర, రూ.51,478.00 వద్ద గరిష్టాన్ని, రూ.51,374.00 వద్ద కనిష్టాన్ని తాకింది. ఆల్ టైమ్ గరిష్టం రూ.56200తో రూ.4700 వరకు తక్కువగా ఉంది.

ఏప్రిల్ గోల్డ్ ఫ్యూచర్స్ రూ.54.00 (-0.10%) తగ్గి రూ.51450.00 వద్ద ట్రేడ్ అయింది. రూ.51,490.00 వద్ద ప్రారంభమైన ధర, రూ.51,500.00 వద్ద గరిష్టాన్ని, రూ.51,445.00 వద్ద కనిష్టాన్ని తాకింది.

వెండి రూ.2500 జంప్

సిల్వర్ ఫ్యూచర్స్ అతి స్వల్పంగా పెరిగింది. చాలా రోజుల తర్వాత రూ.70,000 క్రాస్ చేసింది. కిలో సిల్వర్ ఫ్యూచర్స్ మార్చి 164.00 (0.23%) పెరిగి రూ.70200.00 వద్ద ట్రేడ్ అయింది. రూ.70,302.00 వద్ద ప్రారంభమై, రూ.70,488.00 వద్ద గరిష్టాన్ని, రూ.70,101.00 వద్ద కనిష్టాన్ని తాకింది. బంగారం రెండు రోజులుగా రూ.70వేలకు పైనే ఉంది.

మే సిల్వర్ ఫ్యూచర్స్ కూడా భారీగానే పెరిగింది. రూ.121.00 (0.17%) పెరిగి రూ.71140.00 వద్ద ట్రేడ్ అయింది. రూ.71,347.00 వద్ద ప్రారంభమైన ధర, రూ.71,450.00 వద్ద గరిష్టాన్ని, రూ.71,080.00 వద్ద కనిష్టాన్ని తాకింది.

అంతర్జాతీయ మార్కెట్లో ధరలు ఇలా..

కొత్త ఏడాది 2021లో అంతర్జాతీయ మార్కెట్లో పసిడి ఫ్యూచర్స్ 1900 డాలర్లు క్రాస్ చేసి, 1950 డాలర్ల దిశగా సాగుతోంది. గోల్డ్ ఫ్యూచర్స్ ఔన్స్ 2.35(-0.12%) డాలర్లు తగ్గి 1,944.40 డాలర్లు పలికింది. నేటి సెషన్లో 1,938.45 - 1,949.15 డాలర్ల మధ్య కదలాడింది. ఏడాదిలో పసిడి ధర 22.94% శాతం పెరిగింది. నిన్న 40 డాలర్లకు పైగా పెరిగిన ధర నేడు స్వల్పంగా తగ్గింది.

సిల్వర్ ఫ్యూచర్స్ మాత్రం పెరిగింది. ఔన్స్ ధర 0.054 (+0.20%) డాలర్లు పెరిగి 27.418 డాలర్ల వద్ద ట్రేడ్ అయింది. నేటి సెషన్లో 27.152 - 27.602 డాలర్ల మధ్య కదలాడింది. ఏడాదిలో 49.86 శాతం పెరిగింది.