Gold prices today: నిన్న 4 నెలల గరిష్టానికి చేరి, నేడు తగ్గిన బంగారం ధరలు

బంగారం, వెండి ధరలు నేడు స్వల్పంగా తగ్గుముఖం పట్టాయి. దేశీయ, అంతర్జాతీయ ఫ్యూచర్ మార్కెట్లో ధరలు క్షీణించాయి. నిన్న నాలుగు నెలల గరిష్టానికి చేరిన పసిడి ధరలు నేడు కాస్త శాంతించాయి. దేశీయంగా కరోనా కేసులు తగ్గడం, అంతర్జాతీయ సానుకూల పరిణామాల నేపథ్యంలో ఈక్విటీ మార్కెట్లు జంప్ చేశాయి. సెన్సెక్స్ 50వేల పాయింట్లను దాటి 51వేల పాయింట్ల దిశగా, నిఫ్టీ 15వేల పాయింట్లకు పైన కదలాడుతోంది. దీంతో ఇన్వెస్టర్లు పసిడి నుండి ఈక్విటీ వైపు దృష్టి సారించారు. పసిడి ఆల్ టైమ్ గరిష్టం రూ.56,200తో రూ.7800 తక్కువగా ఉంది.

స్వల్పంగా తగ్గిన బంగారం ధర

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేడు మధ్యాహ్నం సెషన్లో రూ.61.00 (-0.13%) తగ్గి రూ.48492.00 వద్ద ట్రేడ్ అయింది. రూ.48,425.00 వద్ద ప్రారంభమైన ధర, రూ.48,590.00కు చేరుకొని, రూ.48,333.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ రూ.95.00 (-0.19%) తగ్గి రూ.48931.00 వద్ద ట్రేడ్ అయింది. రూ.48,900.00 వద్ద ప్రారంభమైన ధర, రూ.49,065.00 గరిష్టాన్ని, రూ.48,800.00 వద్ద కనిష్టాన్ని తాకింది.

వెండి రూ.71,500 దిగువకు

వెండి ఫ్యూచర్ ధరలు నేడు తగ్గాయి. జూలై సిల్వర్ ఫ్యూచర్స్ నేడు మధ్యాహ్నం సెషన్లో రూ.387.00 (-0.54%) తగ్గి రూ.71424.00 వద్ద ట్రేడ్ అయింది. రూ.71,510.00 వద్ద ప్రారంభమై, రూ.71,750.00 కంటే పైకి చేరుకొని, రూ.71,005.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.421.00 (-0.58%) తగ్గి రూ.72500.00 వద్ద ట్రేడ్ అయింది. 72,608.00 వద్ద ప్రారంభమైన ధర, రూ.72,820.00 గరిష్టాన్ని, రూ.72,175.00 కనిష్టాన్ని తాకింది

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లోను బంగారం ధరలు భారీగా తగ్గాయి. 1900 డాలర్లకు కాస్త దూరంలో నిలిచాయి. అంతర్జాతీయ మార్కెట్లో గోల్డ్ ఫ్యూచర్స్ నేడు 0.55 (0.03%) డాలర్లు తగ్గి 1,883.95 డాలర్ల వద్ద కదలాడింది. నేటి సెషన్లో 1,873.30 - 1,887.75 డాలర్ల మధ్య కదలాడింది. సిల్వర్ ఫ్యూచర్స్ కూడా తగ్గింది. 0.147 (0.53%) డాలర్లు తగ్గి 27.755 డాలర్ల వద్ద ట్రేడ్ అయింది. నేటి సెషన్లో 27.545 - 27.918 డాలర్ల మధ్య కదలాడింది.