Gold Price Today: బంగారం ధరలు నేడు ఎలా ఉన్నాయంటే?

బంగారం ధరలు మంగళవారం(ఆగస్ట్ 24) ప్రారంభ సెషన్‌లో స్వల్పంగా తగ్గాయి. వరుసగా ఒత్తిడిలో కనిపించిన గోల్డ్ ఫ్యూచర్స్ నేడు కాస్త తగ్గుముఖం పట్టింది. డాలర్ వ్యాల్యూ క్రమంగా బలపడటం బంగారంపై ప్రభావం చూపుతోంది. సిల్వర్ ఫ్యూచర్స్ నేడు కాస్త తగ్గి, కిలో రూ.62,000కు దిగువనే ఉంది. బంగారం ధరలు ఈ నెల ప్రారంభంలో నాలుగు నెలల కనిష్టానికి రూ.45,600 దిగువకు పడిపోయాయి. గత ఏడాది ఆగస్ట్ 7వ తేదీన గోల్డ్ ఫ్యూచర్స్ ఆల్ టైమ్ గరిష్టం రూ.56.200కు చేరుకుంది. అంతర్జాతీయ మార్కెట్లోను గోల్డ్ ఫ్యూచర్స్ స్వల్పంగా తగ్గాయి. నిన్న భారీగా పెరగడంతో గోల్డ్ ఫ్యూచర్స్ 1800 డాలర్లు దాటింది. నేడు కాస్త తగ్గినప్పటికీ ఈ మార్కు పైనే ఉంది. సిల్వర్ ఫ్యూచర్స్ 23 డాలర్ల పైన ఉంది. అంతర్జాతీయ మార్కెట్లో స్పాట్ గోల్డ్ ఔన్స్ ధర స్వల్పంగా క్షీణించి 1780 డాలర్ల వద్ద ఉంది. డాలర్ ఇండెక్స్ 93 డాలర్లు క్రాస్ చేసి తొమ్మిదిన్నర నెలల గరిష్టానికి చేరుకుంది.

బంగారం ధరలు నేడు ప్రారంభ సెషన్‌లో స్వల్పంగా తగ్గింది. అక్టోబర్ గోల్డ్ ఫ్యూచర్స్ 97.00 (-0.20%) క్షీణించి రూ.47487.00 వద్ద ట్రేడ్ అయింది. డిసెంబర్ గోల్డ్ ఫ్యూచర్స్ రూ.11.00 (0.02%) పెరిగి రూ.47754.00 వద్ద ట్రేడ్ అయింది. సెప్టెంబర్ సిల్వర్ ఫ్యూచర్స్ రూ.169.00 (-0.27%) క్షీణించి రూ.62758.00 వద్ద, డిసెంబర్ సిల్వర్ ఫ్యూచర్స్ రూ.176.00 (-0.28%)క్షీణించి రూ.63432.00 వద్ద ట్రేడ్ అయింది. సిల్వర్ ఫ్యూచర్స్ గత కొన్ని సెషన్లుగా రూ.63,000 దిగువనే ఉంటోంది.

అంతర్జాతీయ మార్కెట్లో నిన్న గోల్డ్ఫ్యూచర్స్ 1800 డాలర్లు దాటింది. నేడు స్వల్పంగా తగ్గినప్పటికీ ఆ మార్కు పైనే ఉంది. గోల్డ్ ఫ్యూచర్స్ నేడు ప్రారంభ సెషన్లో 2.45(-0.14%) డాలర్లు క్షీణించి 1,803.75 డాలర్ల వద్ద, సిల్వర్ ఫ్యూచర్స్ 0.058 (-0.25%) డాలర్లు నష్టపోయి 23.598 డాలర్ల వద్ద ట్రేడ్ అయింది. ప్రస్తుతం కామెక్స్‌లో గోల్డ్ ఫ్యూచర్స్ 1770 డాలర్ల నుండి 1820 డాలర్ల మధ్య ఉండవచ్చునని, దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్‌లో రూ.46,965- రూ.47,580 మధ్య కనిపించవచ్చునని మోతీలాల్ ఓస్వాల్ ఫైనాన్షియల్ సర్వీసెస్ కమోడిటీస్ రీసెర్చ్ వైస్ ప్రెసిడెంట్ నవ్‌నీత్ దమానీ అన్నారు.