Gold Price Today: పెరుగుతున్న బంగారం ధరలు, స్వల్పంగానే

బంగారం ధరలు నేడు (జూలై 26, సోమవారం) స్వల్పంగా పెరిగాయి. గోల్డ్ ఫ్యూచర్స్ రూ.48,000కు దిగువనే ఉన్నాయి. ఆగస్ట్ గోల్డ్ ఫ్యూచర్స్ నేడు ప్రారంభ సెషన్లో రూ.94.00 (0.20%)పెరిగి రూ.47628.00 వద్ద ట్రేడ్ అయింది. అక్టోబర్ గోల్డ్ ఫ్యూచర్స్ రూ.118.00 (0.25%) పెరిగి రూ.47902.00 వద్ద ట్రేడ్ అయింది. గతవారం రూ.48,000 పైకి చేరుకున్న పసిడి, చివరి సెషన్లలో కాస్త తగ్గుముఖం పట్టింది. నేడు ప్రారంభంలోనే కాస్త పెరిగింది.

సెప్టెంబర్ సిల్వర్ ఫ్యూచర్స్ రూ.189.00 (0.28%) పెరిగి రూ.67213.00 వద్ద ట్రేడ్ అయింది. డిసెంబర్ సిల్వర్ ఫ్యూచర్స్ రూ.205.00 (0.30%) పెరిగి రూ.68380.00 వద్ద ట్రేడ్ అయింది. గతవారం సిల్వర్ ఫ్యూచర్స్ రూ.70,000 స్థాయిలో ప్రారంభమైనప్పటికీ, ఆ తర్వాత క్షీణించాయి. అంతర్జాతీయ మార్కెట్లోను గోల్డ్ ఫ్యూచర్స్ +5.40 (+0.30%) డాలర్లు ఎగిసి 1807.05 డాలర్ల వద్ద, సిల్వర్ ఫ్యూచర్స్ 0.112 (+0.44%) డాలర్లు ఎగిసి 25.345 డాలర్ల వద్ద ట్రేడ్ అయింది.

అంతర్జాతీయ మార్కెట్లో నేడు గోల్డ్ ఫ్యూచర్స్ 1,798.60 - 1,807.65 డాలర్ల మధ్య కదలాడింది. సిల్వర్ ఫ్యూచర్స్ 25.172 - 25.367 డాలర్ల మధ్య కదలాడింది. కరోనా డెల్టా వేరియంట్ ఆందోళనలు, లాక్ డౌన్ ఆంక్షల భయాలతో బంగారంపై ఒత్తిడి పెరుగుతోంది. బంగారం మద్దతు ధర రూ.47,300-47,200 కాగా, నిరోధకస్థాయి రూ.47,700 నుండి రూ.47,900. వెండి మద్దతు ధర రూ.66,600, నిరోధకస్థాయి రూ.67500 నుండి రూ.68000.