బంగారం ధరలు ఎలా ఉన్నాయంటే, రూ.47,300 వద్ద నిరోధకం

బంగారం ధరలు నేడు (మే 5, బుధవారం) దాదాపు స్థిరంగా ఉన్నాయి. ఇటీవల రూ.48వేల స్థాయికి చేరుకున్న గోల్డ్ ఫ్యూచర్స్ నిన్న రూ.47,000 దిగువకు వచ్చింది. నేడు కూడా అదే స్థాయిలో కొనసాగుతోంది. వెండి ఫ్యూచర్ రూ.69 వేలకు పైన కదలాడుతోంది. అంతర్జాతీయ మార్కెట్లో పసిడి ధరలు పెరిగినప్పటికీ అతి స్వల్పం మాత్రమే. ఔన్స్ గోల్డ్ 1775 డాలర్ల వద్ద ఉంది.

వెండి 26.500 డాలర్ల దిగువన ఉంది. దేశీయ ఫ్యూచర్ మార్కెట్లో ఆల్ టైమ్ గరిష్టం రూ.56200తో పోలిస్తే బంగారం రూ.9300 తక్కువగా ఉంది. బంగారం రూ.47,300 వద్ద నిరోధకం ఎదుర్కోవచ్చునని మార్కెట్ నిపుణులు భావిస్తున్నారు.

నేటి బంగారం ధర

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేడు మధ్యాహ్నం సెషన్లో రూ.19.00 (0.04%) పెరిగి రూ.46890.00 వద్ద ట్రేడ్ అయింది. రూ.46,979.00 వద్ద ప్రారంభమైన ధర, రూ.47,046.00 గరిష్టాన్ని, రూ.46,836.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ రూ.23.00 (0.05%) పెరిగి రూ.47220.00 వద్ద ట్రేడ్ అయింది. రూ.47,338.00 వద్ద ప్రారంభమై, రూ.47,430.00 గరిష్టాన్ని, రూ.47,175.00 వద్ద కనిష్టాన్ని తాకింది.

రూ.69వేల పైకి వెండి

వెండి ఫ్యూచర్ ధరలు నేడు స్వల్పంగా తగ్గాయి. మే సిల్వర్ ఫ్యూచర్స్ నేడు మధ్యాహ్నం సెషన్లో రూ.145.00 (-0.21%) తగ్గి రూ.69504.00 వద్ద ట్రేడ్ అయింది. రూ.70,066.00 వద్ద ప్రారంభమై, రూ.70,138.00 గరిష్టాన్ని, రూ.69,410.00 వద్ద కనిష్టాన్ని తాకింది. జూలై సిల్వర్ ఫ్యూచర్స్ రూ.22.00 (0.03%) పెరిగి రూ.70692.00 వద్ద ట్రేడ్ అయింది. రూ.71,048.00 ప్రారంభమైన ధర, రూ.71,119.00 వద్ద గరిష్టాన్ని, రూ.70,526.00 కనిష్టాన్ని తాకింది.

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లో బంగారం ధరలు స్వల్పంగా పెరిగాయి. 1775 డాలర్లకు దిగువన పడిపోయింది. అంతర్జాతీయ మార్కెట్లో గోల్డ్ ఫ్యూచర్స్ నేడు 1.15 (0.06%) డాలర్లు పెరిగి 1,774.85 డాలర్ల వద్ద కదలాడింది. నేటి సెషన్లో 1,770.35 - 1,798.95 డాలర్ల మధ్య కదలాడింది. సిల్వర్ ఫ్యూచర్స్ స్వల్పంగా తగ్గింది. 0.175 (0.66%) డాలర్లు తగ్గి 26.383 డాలర్ల వద్ద ట్రేడ్ అయింది. నేటి సెషన్లో 26.168 - 27.233 డాలర్ల మధ్య కదలాడింది.