తగ్గిన బంగారం ధరలు, అయినా రూ.50,000కు పైనే

ముంబై: బంగారం ఫ్యూచర్ మార్కెట్లో ధరలు శుక్రవారం (డిసెంబర్ 18) దాదాపు స్థిరంగా ఉన్నాయి. నిన్నటి వరకు పెరిగిన ధరలు నేడు అతి స్వల్పంగా తగ్గాయి. అయితే ఇప్పటికీ రూ.50,000కు పైనే కదలాడుతోంది. కరోనా వ్యాక్సీన్, వ్యాక్సినేషన్ కారణంగా పసిడి ధర రూ.47,500కి తగ్గింది. ఆ తర్వాత మళ్లీ క్రమంగా పెరుగుతూ నిన్న రూ.50,000ను క్రాస్ చేసింది. ఆల్ టైమ్ గరిష్టం రూ.56,200తో రూ.5,800 వరకు తక్కువగా ఉంది. పక్షం రోజుల క్రితం రూ.8,200కు పైగా తగ్గింది. అమెరికా ఆర్థిక ప్యాకేజీ వంటి వివిధ అంశాలు పసిడి, ఈక్విటీ మార్కెట్లపై ప్రభావం చూపుతాయి.

రూ.50వేలకు పైనే పసిడి ధర

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్ (MCX)లో 10 గ్రాముల ఫిబ్రవరి గోల్డ్ ఫ్యూచర్ రూ.-68.00 (-0.13%) క్షీణించి రూ.50322.00 వద్ద ట్రేడ్ అయింది. రూ.50,319.00 వద్ద ప్రారంభమై, రూ.50,469.00 వద్ద గరిష్టాన్ని తాకి, రూ.50,105.00 వద్ద కనిష్టాన్ని తాకింది.

ఏప్రిల్ గోల్డ్ ఫ్యూచర్ రూ.61.00 (-0.12%) తగ్గి రూ.50393.00 వద్ద ట్రేడ్ అయింది. రూ.50,294.00 వద్ద ప్రారంభమై, రూ.50,520.00 వద్ద గరిష్టాన్ని, రూ.50,175.00 వద్ద కనిష్టాన్ని తాకింది.

వెండి రూ.68,000కు చేరువలో

వెండి ధర స్వల్పంగా తగ్గినప్పటికీ రూ.67,500కు పైనే ఉంది. మార్చి సిల్వర్ ఫ్యూచర్స్ రూ.475.00 (-0.70%) క్షీణించి రూ.67792.00 వద్ద ట్రేడ్ అయింది. రూ.67,961.00 వద్ద ప్రారంభమై, రూ.68,431.00 వద్ద గరిష్టాన్ని, రూ.67,364.00 వద్ద కనిష్టాన్ని తాకింది.

మే ఫ్యూచర్స్ రూ.439.00 (-0.63%) క్షీణించి రూ.68720.00 వద్ద ట్రేడ్ అయింది. రూ.68,681.00 వద్ద ప్రారంభమై, రూ.69,250.00 గరిష్టాన్ని, రూ.68,281.00 వద్ద కనిష్టాన్ని తాకింది.

స్థిరంగా ధరలు

అంతర్జాతీయ మార్కెట్లో పసిడి ధరలు దాదాపు స్థిరంగా ఉన్నాయి. క్రితం సెషన్లో 1890 డాలర్ల వద్ద ముగిసిన గోల్డ్ ఫ్యూచర్స్ ఔన్స్ నేడు అతి స్వల్పంగా 0.50 (-0.03%) డాలర్లు క్షీణించి 1,889.90 డాలర్ల వద్ద ట్రేడ్ అయింది. నేడు 1,881.95 - 1,895.50 డాలర్ల మధ్య కదలాడింది. ఏడాదిలో 25.31% పెరిగింది.

సిల్వర్ ఫ్యూచర్స్ కూడా 0.134 (-0.51%) డాలర్లు తగ్గి 26.047 డాలర్ల వద్ద ట్రేడ్ అయింది. నేటి సెషన్లో 25.867 - 26.348 డాలర్ల మధ్య కదలాడింది. ఏడాదిలో 51.25% పెరిగింది.