Gold Price Today: భారీ పెరుగుదల తర్వాత స్థిరంగా బంగారం ధరలు

| Published: Tuesday, May 18, 2021, 15:22 [IST]

బంగారం ధరలు నేడు దాదాపు స్థిరంగా ఉన్నాయి లేదా స్వల్పంగా తగ్గుముఖం పట్టాయి. వరుసగా రెండు రోజుల పాటు భారీగ పెరిగిన ధరలు నేడు శాంతించాయి. మార్కెట్లు సానుకూలంగా ఉండటం, దేశవ్యాప్తంగా కరోనా కేసులు తగ్గుముఖం పట్టడం పసిడిపై ఒత్తిడి తగ్గడానికి కారణమైంది. గత కొంతకాలంగా రోజుకు 3 లక్షలకు పైగా కేసులు నమోదు కాగా, ఇప్పుడు ఈ మార్కు దిగువకు చేరుకున్నాయి. అయినప్పటికీ బంగారం ధరలు రూ.49,000కు చేరువలో ఉన్నాయి. ఆల్ టైమ్ గరిష్టం రూ.56,200తో రూ.7400 తక్కువగా ఉంది.

స్వల్పంగా తగ్గిన పసిడి

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేటి మధ్యాహ్నం సెషన్లో రూ.113.00 (-0.23%) క్షీణించి రూ.48361.00 వద్ద ట్రేడ్ అయింది. రూ.48,419.00 వద్ద ప్రారంభమైన ధర, రూ.48,465.00 గరిష్టాన్ని, రూ.48,290.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ రూ.118.00 (-0.24%) తగ్గి రూ.48851.00 వద్ద ట్రేడ్ అయింది. రూ.48,983.00 వద్ద ప్రారంభమై, రూ.49,000.00 గరిష్టాన్ని, రూ.48,786.00 వద్ద కనిష్టాన్ని తాకింది.

వెండి జంప్

ఓ వైపు బంగారం ధరలు తగ్గగా, వెండి ధరలు మాత్రం పెరిగాయి. జూలై సిల్వర్ ఫ్యూచర్స్ నేడు మధ్యాహ్నం సెషన్లో రూ.538.00 (0.73%) పెరిగి రూ.73862.00 వద్ద ట్రేడ్ అయింది. రూ.73,755.00 వద్ద ప్రారంభమై, రూ.74,099.00 గరిష్టాన్ని, రూ.73,709.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.580.00 (0.78%) పెరిగి రూ.74951.00 వద్ద ట్రేడ్ అయింది. రూ.75,075.00 ప్రారంభమైన ధర, రూ.75,155.00 వద్ద గరిష్టాన్ని, రూ.74,845.00 కనిష్టాన్ని తాకింది.

అంతర్జాతీయ మార్కెట్లో పెరుగుదల

అంతర్జాతీయ ఫ్యూచర్ మార్కెట్లోను బంగారం ధరలు స్వల్పంగా పెరిగాయి. ఏకంగా 1870 డాలర్ల స్థాయికి చేరుకున్నాయి. అంతర్జాతీయ మార్కెట్లో గోల్డ్ ఫ్యూచర్స్ నేడు 1.35 (+0.07%) డాలర్లు పెరిగి 1,869 డాలర్ల వద్ద కదలాడింది. నేటి సెషన్లో 1,866.25 - 1,874.25 డాలర్ల మధ్య కదలాడింది. సిల్వర్ ఫ్యూచర్స్ కూడా పెరిగింది. 0.331 (+1.17%) డాలర్లు పెరిగి 28.602 డాలర్ల వద్ద ట్రేడ్ అయింది. నేటి సెషన్లో 28.277 - 28.890 డాలర్ల మధ్య కదలాడింది.

Comments

English summary