ఇక్కడ తగ్గి, అక్కడ పెరిగిన బంగారం ధరలు, వెండి ధరలు జంప్
నవంబర్ నెలలో భారీగా తగ్గిన పసిడి ధరలు డిసెంబర్ 1, మంగళవారం ప్రారంభ సెషన్లో కాస్త పెరిగాయి. అయితే ఆ తర్వాత తగ్గుముఖం పట్టింది. దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల ఫిబ్రవరి ఫ్యూచర్స్ ప్రారంభంలో 0.3 శాతం ఎగిసింది. సిల్వర్ ఫ్యూచర్స్ కూడా 1.2 శాతం పెరిగింది. అయితే బంగారం, వెండి ధరలు ఆ తర్వాత తగ్గుముఖం పట్టాయి. ఆల్ టైమ్ గరిష్టం రూ.56,200తో బంగారం ధరలు రూ.8500 తక్కువగా ఉంది.
బంగారం ధరలు మరో రూ.1,000 తగ్గనున్నాయా? వెండి ఆ స్థాయి కంటే కిందకు వస్తే..
స్వల్పంగా తగ్గిన పసిడి
నేడు డిసెంబర్ గోల్డ్ ఫ్యూచర్స్ స్వల్పంగా తగ్గుముఖం పట్టింది. మధ్యాహ్నం గం.1 సమయానికి 10 గ్రాముల బంగారం రూ.87.00 (-0.18%) క్షీణించి రూ.47,705.00 వద్ద ట్రేడ్ అయింది. రూ.48,194.00 వద్ద ప్రారంభమై, రూ.48,272.00 వద్ద గరిష్టాన్ని, రూ.47,705.00 వద్ద కనిష్టాన్ని తాకింది.
ఫిబ్రవరి ఫ్యూచర్స్ రూ.61.00 (-0.13%) క్షీణించి రూ.47,857.00 వద్ద ట్రేడ్ అయింది. రూ.48,097.00 వద్ద ప్రారంభమై, రూ.48,138.00 గరిష్టాన్ని, రూ.47,771.00 వద్ద కనిష్టాన్ని తాకింది.
నిన్న (సోమవారం, నవంబర్ 30) డిసెంబర్ గోల్డ్ ఫ్యూచర్స్ రూ.362.00 (-0.75%) క్షీణించి రూ.47,763.00 వద్ద, ఫిబ్రవరి ఫ్యూచర్స్ రూ.184.00 (-0.38%) తగ్గి రూ.47,915.00 వద్ద ముగిసింది.
వెండి ధరలు జంప్
ఎంసీఎక్స్లో కిలో వెండి ధర (డిసెంబర్) రూ.558.00 (0.94%) పెరిగి రూ.59680.00 వద్ద ట్రేడ్ అయింది. రూ.59,908.00 వద్ద ప్రారంభమై, రూ.60,000.00 గరిష్టాన్ని, రూ.59,512.00 వద్ద కనిష్టాన్ని తాకింది.
మార్చి ఫ్యూచర్స్ కిలో రూ.478.00 (0.79%) పెరిగి రూ.60700.00 వద్ద ట్రేడ్ అయింది. రూ.61,012.00 ప్రారంభమై, రూ.61,109.00 వద్ద గరిష్టాన్ని, రూ.60,575.00 వద్ద కనిష్టాన్న తాకింది.
సిల్వర్ డిసెంబర్ ఫ్యూచర్స్ కిలో రూ.34.00 (-0.06%) తగ్గి రూ.58,950.00 వద్ద, మార్చి ఫ్యూచర్స్ కిలో రూ.129.00 (-0.21%) తగ్గి రూ.60,130.00 వద్ద ముగిసింది.
అక్కడ పసిడి పెరుగుదల
అంతర్జాతీయ మార్కెట్లో ఈ రోజు బంగారం, వెండి ధరలు పెరిగాయి. గోల్డ్ ఫ్యూచర్స్ 10.30 (+0.58%) పెరిగి 1,791 డాలర్ల వద్ద ట్రేడ్ అయింది. క్రితం సెషన్లో 1,780.90 డాలర్ల వద్ద ముగిసింది. నేడు 1,778.45 - 1,790.85 డాలర్ల మధ్య ట్రేడ్ అయింది. ఏడాదిలో పసిడి 19 శాతం పెరిగింది. వెండి ధరలు 0.487 (+2.16%) డాలర్లు పెరిగి 23 డాలర్లు దాటింది. రెండు రోజులుగా 23 డాలర్లకు దిగువన ఉంది. నేడు 22.670 - 22.992 డాలర్ల మధ్య ట్రేడ్ అయింది. ఏడాదిలో 33 శాతం పెరిగింది. క్రితం సెషన్లో 22.593 డాలర్ల వద్ద ముగిసింది.