Gold price today: రూ.48,000 పైకి చేరిన పసిడి ధరలు, వెండి స్థిరంగా..

దేశీయ ఫ్యూచర్ మార్కెట్లో బంగారం ధరలు నేడు (ఫిబ్రవరి 9 మంగళవారం) స్వల్పంగా పెరిగాయి. వరుసగా మూడు సెషన్లలో పసిడి ధరలు పెరగడంతో నేడు రూ.48,000 మార్కును దాటింది. అయితే ఆ తర్వాత తిరిగి ఈ మార్కు దిగువకు వచ్చింది. బడ్జెట్ ప్రకటన అనంతరం ధరలు భారీగా క్షీణించాయి. రూ.2500 వరకు తగ్గాయి. ఓ సమయంలో రూ.47,000 దిగువకు వచ్చాయి.

అయితే మళ్లీ పెరుగుతున్నాయి. అయితే స్వల్పంగా మాత్రమే పెరుగుదల నమోదు చేస్తున్నాయి. ఆగస్ట్ 7వ తేదీ నాటి ఆల్ టైమ్ గరిష్టం రూ.56,200తో చూస్తే రూ.8200 తక్కువగా ఉన్నాయి. ఇంతకుముందు ఓ సమయంలో రూ.9000 వరకు తక్కువకు వెళ్లింది. ఈ సెషన్లలో రూ.800 వరకు పెరిగింది.

బంగారం మళ్లీ జంప్

ఎంసీఎక్స్‌లో ఏప్రిల్ గోల్డ్ ఫ్యూచర్స్ నేడు (మంగళవారం, ఫిబ్రవరి 9వ తేదీ) ఉదయం రూ.126.00 (0.26%) పెరిగి రూ.47,965.00 వద్ద ట్రేడ్ అయింది. రూ.48,000.00 వద్ద ప్రారంభమైన ధర, రూ.48,103.00 వద్ద గరిష్టాన్ని, రూ.47,951.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.8200 వరకు తక్కువ ఉంది. జూన్ గోల్డ్ ఫ్యూచర్స్ రూ.145.00 (0.30%) పెరిగి రూ.48,090 వద్ద ట్రేడ్ అయింది. రూ.48,166.00 వద్ద ప్రారంభమైన ధర, రూ.48,219.00 వద్ద గరిష్టాన్ని, రూ.48,090.00 వద్ద కనిష్టాన్ని తాకింది.

వెండి స్వల్పంగా...

వెండి ధర స్థిరంగా ఉంది. అయినప్పటికీ రూ.70వేలను క్రాస్ చేసింది. మార్చి సిల్వర్ ఫ్యూచర్స్ కిలో రూ.70,084.00 వద్ద ట్రేడ్ అయింది. రూ.70,297.00 వద్ద ప్రారంభమైన ధర, రూ.70,444.00 వద్ద గరిష్టాన్ని, రూ.70,009.00 వద్ద కనిష్టాన్ని తాకింది.

మే సిల్వర్ ఫ్యూచర్స్ కూడా కిలో రూ.71130.00 వద్ద ట్రేడ్ అయింది. రూ.71,250.00 వద్ద ప్రారంభమైన ధర, రూ.71,475.00 వద్ద గరిష్టాన్ని, రూ.71,130.00 వద్ద కనిష్టాన్ని తాకింది.

1850 డాలర్ల దిశగా..

అంతర్జాతీయ మార్కెట్లో పసిడి ధర భారీగా పెరుగుతోంది. 1850 డాలర్ల దిశగా దూసుకెళ్తోంది. నేడు గోల్డ్ ఫ్యూచర్స్ ఔన్స్ 6.70 (+0.37%) డాలర్లు పెరిగి 1840.90 డాలర్ల వద్ద ట్రేడ్ అయింది. ఈ సెషన్లో 1,830.35 - 1,844.55

డాలర్ల మధ్య కదలాడింది. ఏడాదిలో పసిడి ధర 15.2% శాతం పెరిగింది. సిల్వర్ ఫ్యూచర్స్ మాత్రం స్వల్పంగా తగ్గింది. ఔన్స్ ధర 0.051

(-0.18%) డాలర్లు పెరిగి 27.525 డాలర్ల వద్ద ట్రేడ్ అయింది. నేటి సెషన్లో 27.310 - 27.720 డాలర్ల మధ్య కదలాడింది. ఏడాదిలో 55.24 శాతం పెరిగింది.