బంగారం ధరలు భారీగా పెరిగాయి, ఫ్యూచర్ మార్కెట్లో మాత్రం డౌన్!

గోల్డ్ ఫ్యూచర్స్..

గోల్డ్ ఫ్యూచర్స్ అక్టోబర్ సాయంత్రం సమయానికి రూ.49,500 వరకు పలికింది. డిసెంబర్ ఫ్యూచర్స్ కూడా దాదాపు అంతే పలికింది. అక్టోబర్ ఫ్యూచర్స్ 3,967 లాట్లు, డిసెంబర్ ఫ్యూచర్స్ 13,311 లాట్లుగా ఉంది. అక్టోబర్ ఫ్యూచర్స్ వ్యాల్యూ రూ.1,046.11 కోట్లు కాగా, డిసెంబర్ ఫ్యూచర్స్3,054.34 కోట్లుగా ఉంది. గోల్డ్ మినీ అక్టోబర్ రూ.450కి పైగా క్షీణించి రూ.49,490 పలికింది. బిజినెస్ టర్నోవర్ 8,173 లాట్లుగా ఉంది. అయితే వెండి కిలో వెయ్యి రూపాయలకు పైగా పెరిగింది.

బులియన్ మార్కెట్లో భారీగా పెరుగుదల

బులియన్ మార్కెట్లో పసిడి ధర పెరిగింది. దేశ రాజధాని ఢిల్లీలో 10 గ్రాముల పసిడి రూ.324 తగ్గి రూ.50,824 పలికింది. ఢిల్లీలో కిలో వెండి ధర రూ.2,124 పెరిగి రూ.60,536కు చేరుకుంది. ఢిల్లీలో స్పాట్ గోల్డ్ 24క్యారెట్ల పసిడి రూ.324 తగ్గిందని, అంతర్జాతీయంగా రికవరీయే ఇందుకు కారణమని బులియన్ మార్కెట్ నిపుణులు చెబుతున్నారు.

అంతర్జాతీయ మార్కెట్లో..

అంతర్జాతీయ మార్కెట్లో పసిడి ధరలు ఔన్స్ 1873 డాలర్లు పలికాయి. వెండి ఫ్లాట్‌గా 23 డాలర్ల వద్ద ఉంది. అమెరికాలో మరో ఉద్దీపన ప్యాకేజీ ఉంటుందని, ఇందుకు సభ్యులు అంగీకరించారనే వార్తల నేపథ్యంలో డాలర్ వ్యాల్యూ పడిపోయింది. దీంతో బంగారం ధర పెరిగిందని బులియన్ మార్కెట్ నిపుణులు చెబుతున్నారు.

బంగారంపై పెట్టుబడికి దీర్ఘకాల ధోరణి అయితే అనుకూలం. స్వల్పకాలంలో ప్రస్తుత పరిస్థితిని బట్టి మరింతగా తగ్గే అవకాశాలు కొట్టి పారేయలేమని అంటున్నారు. రూ.45వేల నుండి రూ.47వేల మధ్య కొనుగోలుకు మద్దతు లభించవచ్చునని భావిస్తున్నారు. వెండి కిలో స్టాప్ లాస్ రూ.58,700, టార్గెట్ రూ.56,000గా ఉంది. అయితే ధరల పెరుగుదల, తగ్గుదల కరోనా కేసులు, డాలర్ వ్యాల్యూ, ఆర్థిక కార్యకలాపాలు, ఈక్విటీ మార్కెట్ పైన ఆధారపడి ఉంటుంది.