రూ.48,000 దిశగా బంగారం పరుగు, వెండి ధర రూ.800 జంప్

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో బంగారం ధరలు మళ్లీ రూ.48,000 దిశగా పరుగు పెడుతున్నాయి. అదే దారిలో వెండి ధరలు ఉన్నాయి. మంగళవారం నాటి సెషన్‌లో దాదాపు వెయ్యి రూపాయలి క్షీణించి, నిన్న స్వల్పంగా పెరిగింది. నేడు ఏకంగా రూ.800కు పైగా ఎగిసిపడింది. అంతర్జాతీయ మార్కెట్లో గోల్డ్ ఫ్యూచర్స్ 1820 డాలర్ల దిశగా సాగుతోంది. సిల్వర్ ఫ్యూచర్స్ పెరిగినప్పటికీ 26 డాలర్ల దిగువనే ఉంది. కరోనా డెల్టా వేరియంట్ కేసులు పెరగడం, లాక్ డౌన్ ఆంక్షలు బంగారంపై ఒత్తిడిని పెంచాయి.

పది గ్రాముల ఆగస్ట్ గోల్డ్ ఫ్యూచర్స్ నేడు రూ.273.00 (0.57%) పెరిగి రూ.47850.00 వద్ద, అక్టోబర్ గోల్డ్ ఫ్యూచర్స్ రూ.240.00 (0.50%) పెరిగి రూ.47954.00 వద్ద ట్రేడ్ అయింది. గోల్డ్ ఫ్యూచర్స్ రూ.48,000 దిశగా సాగుతోంది. సిల్వర్ ఫ్యూచర్స్ రూ.812.00 (1.22%) ఎగిసి రూ.67202.00 వద్ద ట్రేడ్ అయింది. అంతర్జాతీయ మార్కెట్లో గోల్డ్ ఫ్యూచర్స్ 14.70 డాలర్లు (0.82%) పెరిగి 1814.40 డాలర్ల వద్ద ట్రేడ్ అయింది. సిల్వర్ 0.416 (1.67%) డాలర్లు పెరిగి 25.293 వద్ద ట్రేడ్ అయింది.

గురువారం నాడు బంగారం ధరలు వారం గరిష్టం వద్ద ఉన్నాయి. ఫెడ్ రిజర్వ్ వడ్డీ రేట్ల పెంపు అంశాన్ని పక్కన పెట్టినట్లుగా కనిపించడంతో గురువారం ఓ దశలో బంగారం ధరలు అత్యధిక స్థాయికి చేరుకున్నాయి. కరోనా సెకండ్ వేవ్, డెల్టా వేరియంట్ ప్రభావం ఈక్విటీ మార్కెట్లు, గోల్డ్ మార్కెట్ పైన ప్రభావం చూపుతోంది.