గతవారంతో రూ.1000 వరకు తగ్గిన బంగారం ధరలు
బంగారం ధరలు తగ్గుముఖం పడుతున్నాయి. గతవారం రూ.48,500 స్థాయికి చేరుకున్న గోల్డ్ ఫ్యూచర్స్ నేడు (గురువారం, జూలై 22) రూ.47,512 స్థాయిలో ట్రేడ్ అవుతున్నాయి. ఇంతకుముందు సెషన్లోనే పసిడి ధరలు 48,000 దిగువకు పడిపోయాయి. నేడు మళ్లీ స్వల్పంగా తగ్గాయి. దీంతో ఆగస్ట్ గోల్డ్ ఫ్యూచర్స్ రూ.61.00 (-0.13%) క్షీణించి రూ.47512.00 వద్ద ట్రేడ్ అయింది. అక్టోబర్ గోల్డ్ ఫ్యూచర్స్ రూ.61.00 (-0.13%) తగ్గి రూ.47815.00 వద్ద ట్రేడ్ అయింది. గతవారంతో పోలిస్తే నేటికి రూ.1000 వరకు తగ్గింది.
సిల్వర్ ఫ్యూచర్స్ తగ్గుతూనే ఉంది. సెప్టెంబర్ ఫ్యూచర్స్ రూ.67000 స్థాయికి వచ్చింది. నేడు సెప్టెంబర్ సిల్వర్ ఫ్యూచర్స్ రూ.107.00 (-0.16%) క్షీణించి రూ.67030.00 వద్ద ట్రేడ్ అయింది. డిసెంబర్ సిల్వర్ ఫ్యూచర్స్ రూ.123.00 (-0.18%) తగ్గి రూ.68240.00 వద్ద ట్రేడ్ అయింది.
అంతర్జాతీయ మార్కెట్లోను గోల్డ్ ఫ్యూచర్ తగ్గింది. 1800 డాలర్లకు దిగి వచ్చింది. ఓ సమయంలో 1850 డాలర్ల దిశగా పరుగులు పెట్టిన గోల్డ్ ఫ్యూచర్స్ క్షీణించింది. నేడు 3.25 డాలర్లు క్షీణించిన పసిడి ధర 1800.15 డాలర్ల వద్దకు దిగి వచ్చింది. నేటి సెషన్లో 1,797.25 - 1,804.20 డాలర్ల మధ్య కదలాడింది. సిల్వర్ ఫ్యూచర్స్ 0.040 డాలర్లు తగ్గి 25.215 డాలర్ల వద్ద ట్రేడ్ అయింది.