Gold price today: బంగారం కొనుగోలు చెయ్యాలనుకుంటున్నారా? అయితే లేటెస్ట్ ధరలిలా!!

భారతదేశంలో బంగారం అంటే ఇష్టపడని వారు ఉండరు. బంగారు ఆభరణాలను పెట్టుకుని మురిసిపోయే వారే కాకుండా, బంగారం పైన పెట్టుబడి పెట్టేవారు కూడా భారతదేశంలో ఎక్కువగానే ఉన్నారు. ఇటీవల కాలంలో విపరీతంగా పెరుగుతున్న బంగారం ధరలు బంగారం కొనుగోలుదారులకు ఇబ్బందిగా మారాయి. కొనుగోలు చెయ్యాలంటే భయపడేలా చేస్తున్నాయి. ఇక పెట్టుబడిదారులు సైతం బంగారం పెరుగుదల నేపథ్యంలో ఆచితూచి అడుగు వేయాల్సిన పరిస్థితి వచ్చింది.

హెచ్చుతగ్గులతో రోజుకో రకంగా బంగారం ధరలు

ఈ సంవత్సరం ప్రారంభం నుంచి బంగారం ధరల పెరుగుదల దేశంలో హాట్ టాపిక్ గా మారింది. రెండేళ్ల గరిష్టానికి బంగారం ధరలు పెరగడం ప్రస్తుతం చర్చనీయాంశం అవుతుంది. బంగారం ధరలు తగ్గడం, బంగారం ధర పెరుగుదలతో పోలిస్తే చాలా తక్కువగా ఉంటుంది. ఇక తాజాగా బంగారం ధరలలో దూకుడు మాత్రం కనిపించలేదు. నేడు దేశంలో 24 క్యారెట్ల, 22 క్యారెట్ల బంగారం ధర స్థిరంగా ఉన్న పరిస్థితి ప్రధానంగా కనిపిస్తుంది. ఫిబ్రవరి 13 నాటికి 10 గ్రాముల 24 క్యారెట్ల బంగారం ధర భారతదేశంలో రూ. 57,040 కాగా, 22 క్యారెట్లు 10 గ్రాముల బంగారం ధర రూ. 52, 250 గా కొనసాగుతుంది.

హైదరాబాద్, విజయవాడ, విశాఖలలో బంగారం ధరలు ఇలా

భారతదేశంలోని ప్రధాన నగరాలు బంగారం ధరలలో హెచ్చుతగ్గులను నమోదు చేశాయి. హైదరాబాద్ లో 10 గ్రాముల 22 క్యారెట్ల బంగారం ధర 52,600 రూపాయలుగా ఉండగా 24 క్యారెట్ల 10 గ్రాముల బంగారం ధర 57,380గా కొనసాగుతుంది. ఇక విజయవాడలో బంగారం ధర నేడు 10 గ్రాముల 22 క్యారెట్ల బంగారానికి 52,600 రూపాయలు కాగా, 24 క్యారెట్ల 10 గ్రాముల బంగారానికి 57,380 రూపాయలుగా కొనసాగుతుంది. విశాఖపట్నంలో 10 గ్రాముల 22 క్యారెట్ల బంగారానికి 52,600 రూపాయలు, 10 గ్రాముల 24 క్యారెట్ల బంగారానికి 57,380 రూపాయలుగా కొనసాగుతుంది.

ఢిల్లీ, ముంబైలలో బంగారం ధరలు ఇలా

దేశ రాజధాని ఢిల్లీలో 10 గ్రాముల 22 క్యారెట్ల బంగారం ధర 52,750 రూపాయలుగా కొనసాగుతుంది. ఇక 10 గ్రాముల 24 క్యారెట్ల బంగారం ధర 57,530 రూపాయలు గా ట్రేడ్ అవుతుంది. దేశ ఆర్థిక రాజధాని ముంబైలో 10 గ్రాముల 22 క్యారెట్ల బంగారం ధర 52,600 రూపాయలుగా కొనసాగుతుండగా 10 గ్రాముల 24 క్యారెట్ల బంగారం ధర 57,380గా ట్రేడ్ అవుతుంది.

దేశంలో వెండి ధరలు ఇలా

ఇదిలా ఉంటే దేశంలో వెండి విషయానికి వస్తే.. బంగారం తో పాటు వెండి కూడా దేశంలో గణనీయంగా పెరుగుతుంది. గ తేడాది నవంబర్లో కిలో బండి 64,000 ఉంటే రెండు నెలల్లోనే దాదాపు 8,000 వరకు వెండి పెరిగిన పరిస్థితి కనిపిస్తుంది. ప్రస్తుత హైదరాబాద్ లో వెండి ధరలు 72,700 వద్ద ప్రస్తుతం కొనసాగుతుంది. అయితే గత మూడు సెషన్లలో 900 రూపాయల మేర తగ్గిన వెండి ప్రస్తుతం స్థిరంగా కొనసాగుతుంది. ఏది ఏమైనా బంగారం, వెండి ధరలు గతానికి భిన్నంగా విపరీతంగా పెరగడం మాత్రం కొనుగోలుదారులకు షాక్ ఇస్తుంది. ధరలు ఎప్పుడు తగ్గుతాయా అని బంగారం ప్రియులు ఆశగా ఎదురు చూసేలా చేస్తున్నాయి.