రూ.50,000 దిశగా పరుగుకు బ్రేక్, తగ్గిన బంగారం ధరలు: వెండి మాత్రం జంప్

బంగారం ధరలు నేడు (జూన్ 1) స్వల్పంగా తగ్గాయి. అంతర్జాతీయ మార్కెట్‌తో పాటు దేశీయ ఫ్యూచర్ మార్కెట్లో ప్రారంభంలో కాస్త సానుకూలగా కనిపించినప్పటికీ ఆ తర్వాత క్షీణించాయి. ఓ సమయంలో రూ.49,000 క్రాస్ చేసి రూ.50వేల దిశగా వెళ్తున్నట్లు కనిపించింది. అయితే నేడు తిరిగి రూ.49వేల దిగువకు పడిపోయింది. బంగారం ధరలు క్షీణించగా, వెండి ధరలు మాత్రం పెరిగాయి. రూ.72,200 పైకి చేరుకుంది. అంతర్జాతీయ మార్కెట్లోను 28 డాలర్ల పైనే కదలాడుతోంది.

పసిడి డౌన్

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేడు సాయంత్రం సెషన్లో రూ.111.00 (0.23%) తగ్గి రూ.48710.00 వద్ద ట్రేడ్ అయింది. రూ.49,049.00 వద్ద ప్రారంభమైన ధర, రూ.49,225.00 వద్ద గరిష్టాన్ని తాకి, రూ.48,710.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ దాదాపు స్థిరంగా ఉంది. రూ.4.00 (0.01%) పెరిగి రూ.49353.00 వద్ద ట్రేడ్ అయింది. రూ.49,461.00 వద్ద ప్రారంభమైన ధర, రూ.49,721.00 గరిష్టాన్ని, రూ.49,180.00 వద్ద కనిష్టాన్ని తాకింది.

రూ.72వేలు దాటిన వెండి

జూలై సిల్వర్ ఫ్యూచర్స్ నేడు ఉదయం సెషన్లో రూ.705.00 (0.98%) పెరిగినప్పటికీ ఆ తర్వాత కాస్త తగ్గింది. అయినప్పటికీ పెరుగుదలతోనే ఉంది. సాయంత్రానికి రూ.362.00 (0.50%) పెరిగి రూ.72260.00 వద్ద ట్రేడ్ అయింది. రూ.72,500.00 వద్ద ప్రారంభమై, రూ.72,582.00 వద్ద గరిష్టాన్ని తాకి, రూ.72,102.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.349.00 (0.48%) పెరిగి రూ.73450.00 వద్ద ట్రేడ్ అయింది. రూ.73,786.00 వద్ద ప్రారంభమైన ధర, రూ.74,635.00 గరిష్టాన్ని, రూ.73,300.00 కనిష్టాన్ని తాకింది

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లోను బంగారం ధరలు తగ్గాయి. ప్రారంభంలో 1915 డాలర్లకు చేరుకున్నప్పటికీ ఆ తర్వాత 1900 డాలర్ల స్థాయికి దిగి వచ్చింది. అంతర్జాతీయ మార్కెట్లో గోల్డ్ ఫ్యూచర్స్ నేడు 3.75

(0.20%) డాలర్లు పెరిగి 1,901.55 డాలర్ల వద్ద కదలాడింది. నేటి సెషన్లో 1,894.50 - 1,919.10 డాలర్ల మధ్య కదలాడింది. సిల్వర్ ఫ్యూచర్స్ పెరిగింది. 0.073 (+0.26%) డాలర్లు పెరిగి 28.087 డాలర్ల వద్ద ట్రేడ్ అయింది. నేటి సెషన్లో 28.032 - 28.698 డాలర్ల మధ్య కదలాడింది.