Gold Price Today: మళ్లీ పెరిగిన బంగారం, వెండి ధరలు

ముంబై: బంగారం ధరలు ఈ వారం పైకి కిందకు కదులుతున్నాయి. మొదటి రెండు సెషన్లలో రూ.1500 వరకు పెరిగిన బంగారం ధరలు, నిన్న రూ.1200కు పైగా తగ్గాయి. మళ్లీ అంతలోనే నేడు (గురువారం, జనవరి 7) మళ్లీ పెరిగాయి. నిన్న ఫిబ్రవరి గోల్డ్ ఫ్యూచర్స్ రూ.1,230.00 (-2.38%) క్షీణించి రూ.50490.00 వద్ద ముగిసింది. సిల్వర్ ఫ్యూచర్స్ రూ.70వేల దిగువకు వచ్చింది. కిలో రూ.1,668.00 (-2.35%) క్షీణించి రూ.69190.00 వద్ద ముగిసింది. నేడు బంగారం సాయంత్రం సెషన్ సమయానికి రూ.400 వరకు పెరిగింది. ఓ సమయంలో రూ.51,000 మార్కును దాటింది.

బంగారం ధరలు జంప్

నేడు ఎంసీఎక్స్‌లో ఫిబ్రవరి గోల్డ్ ఫ్యూచర్స్ 371.00 (0.73%) పెరిగి రూ.50880.00 వద్ద ట్రేడ్ అయింది. రూ.50,740.00 వద్ద ప్రారంభమైన ధర, రూ.51,046.00 వద్ద గరిష్టాన్ని, రూ.50,660.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.5300 తక్కువగా ఉంది.ఏప్రిల్ గోల్డ్ ఫ్యూచర్స్ రూ.296.00 (0.59%) పెరిగి రూ.50850.00 వద్ద ట్రేడ్ అయింది. రూ.50,797.00 వద్ద ప్రారంభమైన ధర, రూ.51,069.00 వద్ద గరిష్టాన్ని, రూ.50,750.00 వద్ద కనిష్టాన్ని తాకింది.

వెండి రూ.500 జంప్

సిల్వర్ ఫ్యూచర్స్ రూ.500 వరకు పెరిగింది. కిలో సిల్వర్ ఫ్యూచర్స్ మార్చి 488.00 (0.70%) పెరిగి రూ.69905.00 వద్ద ట్రేడ్ అయింది. రూ.69,585.00 వద్ద ప్రారంభమై, రూ.70,291.00 వద్ద గరిష్టాన్ని, రూ.69,405.00 వద్ద కనిష్టాన్ని తాకింది.

మే సిల్వర్ ఫ్యూచర్స్ రూ.565.00 (0.80%) పెరిగి రూ.70900.00 వద్ద ట్రేడ్ అయింది. రూ.70,650.00 వద్ద ప్రారంభమైన ధర, రూ.71,200.00 వద్ద గరిష్టాన్ని, రూ.70,483.00 వద్ద కనిష్టాన్ని తాకింది.

అంతర్జాతీయ మార్కెట్లో ఎంత అంటే

అంతర్జాతీయ మార్కెట్లో పసిడి ఫ్యూచర్స్ 1950 డాలర్ల దిగువకు వచ్చింది. అయినప్పటికీ 1900 డాలర్ల పైనే ఉంది. గోల్డ్ ఫ్యూచర్స్ ఔన్స్ 7.50(+0.39%) డాలర్లు పెరిగి 1,916.10 డాలర్లు పలికింది. నేటి సెషన్లో 1,907.65 - 1,929.50 డాలర్ల మధ్య కదలాడింది. ఏడాదిలో పసిడి ధర 20% శాతం పెరిగింది. సిల్వర్ ఫ్యూచర్స్ కూడా పెరిగింది. ఔన్స్ ధర 0.253

(+0.94%) డాలర్లు తగ్గి 27.295 డాలర్ల వద్ద ట్రేడ్ అయింది. నేటి సెషన్లో 27.023 - 27.488 డాలర్ల మధ్య కదలాడింది. ఏడాదిలో 46.36 శాతం పెరిగింది.