అదిరిపోయే న్యూస్: రూ.47,000 దిగువకు బంగారం ధరలు! ఆ ధరతో రూ.9100 తక్కువ

ముంబై: బంగారం ధరలు వరుసగా నాలుగో రోజు క్షీణించాయి. నేడు (ఫిబ్రవరి 16, మంగళవారం) ఉదయం సెషన్లో పెరిగినట్లుగా కనిపించిన ధరలు, సాయంత్రం సెషన్‌కు తగ్గుముఖం పట్టాయి. దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్‌లో(MCX) నిన్న రూ.47,300 దిగువ పలికిన పసిడి నేడు మరింత క్షీణించి రూ.46,700 దిగువకు వచ్చింది. కరోనా నేపథ్యంలో గత ఏడాది ఆగస్ట్ 7న ఆల్ టైమ్ గరిష్టం రూ.56,200 పలికిన గోల్డ్ ఫ్యూచర్స్ ఇప్పుడు దాదాపు రూ.9100 వరకు తగ్గుదలతో ఉంది. సిల్వర్ ఫ్యూచర్స్ కూడా ఉదయం రూ.70,000ను క్రాస్ చేసినప్పటికీ, సాయంత్రానికి ఆ మార్కు దిగువకు వచ్చింది.

స్వల్పంగా తగ్గిన బంగారం

ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో బంగారం ధర నేడు ఉదయం అతిస్వల్పంగా పెరిగి, సాయంత్రం సెషన్‌కు తగ్గింది. ఏప్రిల్ గోల్డ్ ఫ్యూచర్స్ నేడు సాయంత్రం సెషన్లో రూ.117.00 (0.25%) తగ్గి రూ.47,124.00 వద్ద ట్రేడ్ అయింది. రూ.47,409.00 వద్ద ప్రారంభమైన ధర, రూ.47,480.00 వద్ద గరిష్టాన్ని, రూ.46,682.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.9100 వరకు తక్కువ ఉంది. జూన్ గోల్డ్ ఫ్యూచర్స్ రూ.42.00 (0.09%) తగ్గి రూ.47,340 వద్ద ట్రేడ్ అయింది. రూ.47,525.00 వద్ద ప్రారంభమైన ధర, రూ.47,630.00 వద్ద గరిష్టాన్ని, రూ.46,850.00 వద్ద కనిష్టాన్ని తాకింది.

సిల్వర్ రూ.70వేల దిగువకు

వెండి ధరలు ఈ రోజు కూడా ప్రారంభంలో పెరిగినప్పటికీ, సాయంత్రం సెషన్లో తగ్గాయి. ఎంసీఎక్స్‌లో ఉదయం కిలో వెండి రూ.70,000 క్రాస్ చేసింది. సాయంత్రం సమయానికి ఈ మార్కు దిగువకు వచ్చింది. మార్చి సిల్వర్ ఫ్యూచర్స్ కిలో రూ.400.00 (0.57%) తగ్గి రూ.69,729.00 వద్ద ట్రేడ్ అయింది. రూ.70,510.00 వద్ద ప్రారంభమైన ధర, రూ.70,864.00 వద్ద గరిష్టాన్ని, రూ.68,350.00 వద్ద కనిష్టాన్ని తాకింది.

మే సిల్వర్ ఫ్యూచర్స్ కూడా కిలో రూ.283.00 (0.40%) తగ్గి రూ.70,948.00 వద్ద ట్రేడ్ అయింది. రూ.71,725.00 వద్ద ప్రారంభమైన ధర, రూ.71,932.00 వద్ద గరిష్టాన్ని, రూ.69,527.00 వద్ద కనిష్టాన్ని తాకింది.

1800 డాలర్ల స్థాయికి పసిడి

అంతర్జాతీయ మార్కెట్లో పసిడి ధరలు భారీగా తగ్గాయి. ఔన్స్ గోల్డ్ ఫ్యూచర్స్ 1800 డాలర్ల స్థాయికి వచ్చాయి. నేడు గోల్డ్ ఫ్యూచర్స్ ఔన్స్ 18.65

(1.02%) డాలర్లు తగ్గి 1804.55 డాలర్ల వద్ద ట్రేడ్ అయింది. ఈ సెషన్లో 1,788.40 - 1,826.85 డాలర్ల మధ్య కదలాడింది. ఏడాదిలో పసిడి ధర 14.83 శాతం పెరిగింది. సిల్వర్ ఫ్యూచర్స్ మాత్రం పెరిగింది. ఔన్స్ ధర 0.032

(0.12%) డాలర్లు పెరిగి 27.360 డాలర్ల వద్ద ట్రేడ్ అయింది. నేటి సెషన్లో 26.880 - 28.065 డాలర్ల మధ్య కదలాడింది. ఏడాదిలో 56.67 శాతం పెరిగింది.