భారీగా పెరిగిన బంగారం ధర, రూ.500 జంప్: రూ.70000 దిగువకు వెండి

బంగారం ధరలు నేడు (మంగళవారం, జూలై 6) భారీగా పెరిగాయి. వెండి ధరలు అదే స్థాయిలో పడిపోయాయి. దేశీయ ఫ్యూచర్ మార్కెట్‌లో గోల్డ్ ఫ్యూచర్స్ రూ.500కు పైగా పెరిగి చాలా రోజుల తర్వాత రూ.48,000 తాకింది. సిల్వర్ ఫ్యూచర్స్ రూ.500 మేర తగ్గి రూ.70,000 దిగువకు వచ్చింది. ఆల్ టైమ్ గరిష్టం రూ.56,200తో గోల్డ్ ఫ్యూచర్స్ రూ.8700 తక్కువగా ఉంది. ఈ నెల ప్రారంభంలో రూ.47వేల దిగువకు పడిపోయిన బంగారం ఇప్పుడు మళ్లీ రూ.48,000ను తాకింది. ఈ కొద్ది రోజుల్లోనే రూ.1000కి పైగా పెరిగింది.

భారీగా పెరిగిన బంగారం ధర

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల ఆగస్ట్ గోల్డ్ ఫ్యూచర్స్ నేటి సాయంత్రం సెషన్లో రూ.421.00 (0.89%) పెరిగి రూ.47720.00 వద్ద ట్రేడ్ అయింది. రూ.47,350.00 వద్ద ప్రారంభమైన ధర, రూ.48,000.00 వద్ద గరిష్టాన్ని తాకి, రూ.47,350.00 కనిష్టాన్ని తాకింది. అక్టోబర్ గోల్డ్ ఫ్యూచర్స్ రూ.434.00 (0.91%) పెరిగి రూ.48000.00 వద్ద ట్రేడ్ అయింది. రూ.47,744.00 వద్ద ప్రారంభమైన ధర, రూ.48,290.00 గరిష్టాన్ని, రూ.47,730.00 వద్ద కనిష్టాన్ని తాకింది.

వెండి ధరలు డౌన్

సెప్టెంబర్ సిల్వర్ ఫ్యూచర్స్ సాయంత్రం సెషన్లో రూ.499.00 (-0.71%) తగ్గి రూ.69540.00 వద్ద ట్రేడ్ అయింది. రూ.70,309.00 వద్ద ప్రారంభమై, రూ.70,960.00 వద్ద గరిష్టాన్ని తాకి, రూ.69,455.00 వద్ద కనిష్టాన్ని తాకింది. డిసెంబర్ సిల్వర్ ఫ్యూచర్స్ రూ.414.00 (-0.58%) తగ్గి రూ.70980.00 వద్ద ట్రేడ్ అయింది. రూ.71,650.00 వద్ద ప్రారంభమైన ధర, రూ.72,151.00 గరిష్టాన్ని, రూ.70,850.00 కనిష్టాన్ని తాకింది.

అంతర్జాతీయ మార్కెట్లోనూ

అంతర్జాతీయ ఫ్యూచర్ మార్కెట్లో బంగారం నేడు స్వల్పంగా పెరిగాయి. అంతర్జాతీయ మార్కెట్లో గోల్డ్ ఫ్యూచర్స్ నేడు 10.75 (0.60%) డాలర్లు పెరిగి 1,794.05 డాలర్ల వద్ద కదలాడింది. నేటి సెషన్లో 1,790.85 - 1,815.70 డాలర్ల మధ్య కదలాడింది. సిల్వర్ ఫ్యూచర్స్ తగ్గింది. 0.271 (-1.02%) డాలర్లు తగ్గి 26.230 డాలర్ల వద్ద ట్రేడ్ అయింది. నేటి సెషన్లో 26.203 - 26.907 డాలర్ల మధ్య కదలాడింది.