Gold price today: బంగారం ధరలు స్థిరంగా.. భారీగా పెరిగి అంతలోనే

గతవారం భారీగా పెరిగిన బంగారం ధరలు ఈ వారం దాదాపు స్థిరంగా ప్రారంభమయ్యాయి. నేడు (డిసెంబర్ 20) ప్రారంభ సెషన్‌లో రూ.48,600 స్థాయిలో ఉన్నాయి. గతవారం చివరి సెషన్‌లో పసిడి ధరలు మూడు వారాల గరిష్టాన్ని తాకాయి. ఎంసీఎక్స్‌లో గత వారం ఫిబ్రవరి గోల్డ్ ఫ్యూచర్స్ రూ.48,700 స్థాయిలో కనిపించింది. అయితే స్వల్పంగా తగ్గింది. ఒమిక్రాన్ మహమ్మారి విస్తరించడం, వినియోగ డిమాండ్ పెరగడం వంటి అంశాలు బంగారం ధరల పెరుగుదలకు కారణమయ్యాయని బులియన్ మార్కెట్ నిపుణులు చెబుతున్నారు. గత కొద్ది నెలలుగా భారత్‌లో ఫిజికల్ గోల్డ్ డిమాండ్ పెరుగుతోంది.

బంగారం ధర ఇలా

నేటి ప్రారంభ సెషన్‌లో ఫిబ్రవరి గోల్డ్ ఫ్యూచర్స్ రూ.12.00 (-0.02%) క్షీణించి రూ.48582.00 వద్ద, ఏప్రిల్ గోల్డ్ ఫ్యూచర్స్ రూ.23.00 (-0.05%) క్షీణించి రూ.48682.00 వద్ద ట్రేడ్ అయింది. అంతర్జాతీయ మార్కెట్లో గోల్డ్ ఫ్యూచర్స్ ఔన్స్‌కు 2.55 (-0.14%) డాలర్లు క్షీణించి 1,802.35 డాలర్ల వద్ద ట్రేడ్ అయింది. అంతకుముందు సెషన్లో గోల్డ్ 1805 డాలర్ల వద్ద ముగిసింది. ఏడాదిలో గోల్డ్ ఫ్యూచర్స్ 5.40 శాతం తగ్గింది.

వెండి ధరలు

వెండి ధరలు రూ.62,000 దిగువకు వచ్చాయి. క్రితం వారం రూ.60,000 స్థాయిలో ఉన్న వెండి ధరలు ఆ తర్వాత రూ.62,000 క్రాస్ చేశాయి. అయితే ఇప్పుడు మళ్లీ ఈ మార్కు దిగువకు చేరుకున్నాయి. మార్చి సిల్వర్ ఫ్యూచర్స్ రూ.61,662, మే సిల్వర్ ఫ్యూచర్స్ రూ.62,290 వద్ద ట్రేడ్ అయింది. అంతర్జాతీయ మార్కెట్లో సిల్వర్ ఫ్యూచర్స్ ఏడాదిలో 14 శాతం మేర తగ్గింది.

బంగారం ధరలు..

ఒమిక్రాన్ భయాందోళనల నేపథ్యంలో యూఎస్ రియల్ యీల్డ్స్ క్షీణించాయి. సురక్షిత పెట్టుబడిగా భావించే బంగారం వైపు చూస్తున్నారు. దీంతో పసిడి ధరలు పెరుగుతున్నాయి. బంగారం ధరలు ఈ వారం దాదాపు స్థిరంగా ఉండవచ్చునని బులియన్ మార్కెట్ నిపుణులు భావిస్తున్నారు. 1800 డాలర్ల వద్ద బలమైన నిరోధకం కనిపిస్తోందని, అంటే దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్ (MCX)లో రూ.48,600 స్థాయిలో నిరోధకం కనిపిస్తోందని అంటున్నారు. అయితే 2022లోకి మాత్రం భారీ పెరుగుదలతో అంటే 1835 డాలర్ల స్థాయిలో అడుగు పెట్టే అవకాశాలు ఉన్నాయని అంటున్నారు. అంటే మన వద్ద రూ.50,000 క్రాస్ చేస్తుంది.