Gold price today: స్థిరంగా బంగారం ధరలు, రూ.67,000 స్థాయికి వెండి
బంగారం ధరలు మంగళవారం(జూలై 27) స్థిరంగా ఉన్నాయి. వెండి ధరలు అతి స్వల్పంగా తగ్గాయి. ఆగస్ట్ గోల్డ్ ఫ్యూచర్స్ ఉదయం ప్రారంభ సెషన్లో రూ.2.00 క్షీణించి రూ.47459.00 వద్ద, అక్టోబర్ గోల్డ్ ఫ్యూచర్స్ రూ.47642.00 వద్ద ట్రేడ్ అయింది. సెప్టెంబర్ సిల్వర్ ఫ్యూచర్స్ రూ.121 క్షీణించి రూ.67,000 వద్ద, డిసెంబర్ సిల్వర్ ఫ్యూచర్స్ రూ.108.00 క్షీణించి రూ.68105.00 వద్ద ట్రేడ్ అయింది.
అంతర్జాతీయ మార్కెట్లో గోల్డ్ ఫ్యూచర్స్ వారం రోజుల తర్వాత 1800 డాలర్ల దిగువకు వచ్చాయి. గోల్డ్ ఫ్యూచర్స్ నేడు ప్రారంభ సెషన్లో 0.45(0.03%) డాలర్లు క్షీణించి 1,798.75 డాలర్ల వద్ద ట్రేడ్ అయింది. సిల్వర్ ఫ్యూచర్స్ 0.080 శాతం క్షీణించి 25.238 డాలర్ల వద్ద ట్రేడ్ అయింది.
అమెరికా ఆర్థిక వ్యవస్థలో బలమైన రికవరీ కనిపిస్తోందని, అయితే ఉద్దీపన చర్యలు బంగారానికి మద్దతు ఇచ్చే అవకాశాలు ఉన్నాయని, అందుకే బంగారం ధరలు దాదాపు స్థిరంగా ఉన్నాయని బులియన్ మార్కెట్ నిపుణులు చెబుతున్నారు. ఇదిలా ఉండగా, బంగారం డీలర్లు గతవారం ఔన్స్ పైన 6 డాలర్ల డిస్కౌంట్ ఇచ్చారు. అంతకుముందువారం 5 డాలర్లు కాగా, గతవారం పెరిగింది.