Gold Price Today: పెరిగిన బంగారం ధరలు, వెండి రూ.700 అప్ అండ్ డౌన్

బంగారం ధరలు నేడు (బుధవారం, జూన్ 2) పెరిగాయి. వెండి ధరలు ఉదయం రూ.250 వరకు క్షీణించినప్పటికీ, సాయంత్రానికి అంతేస్థాయిలో పెరిగాయి. మొత్తంగా నేడు కనిష్ట స్థాయి నుండి రూ.700కు పైగా పెరిగింది. బంగారం మాత్రం రూ.49వేల పైనే కదలాడింది. ఈ స్థాయికి కిందకు కనీసం కూడా రాలేదు. ఆల్ టైమ్ గరిష్టం రూ.56200తో బంగారం రూ.7000కు పైగా తక్కువగా ఉంది. ఇక అంతర్జాతీయ మార్కెట్లో గోల్డ్ ఫ్యూచర్స్ మళ్లీ 1900 డాలర్ల పైకి చేరుకున్నాయి.

పెరిగిన బంగారం ధర

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేడు సాయంత్రం సెషన్లో రూ.136.00 (0.28%) పెరిగి రూ.49131.00 వద్ద ట్రేడ్ అయింది. రూ.49,100.00 వద్ద ప్రారంభమైన ధర, రూ.49,200.00 వద్ద గరిష్టాన్ని తాకి, రూ.49,075.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ రూ.113.00 (0.23%) పెరిగి రూ.49538.00 వద్ద ట్రేడ్ అయింది. రూ.49,311.00 వద్ద ప్రారంభమైన ధర, రూ.49,667.00 గరిష్టాన్ని, రూ.49,301.00 వద్ద కనిష్టాన్ని తాకింది.

రూ.72,500 పైన వెండి

జూలై సిల్వర్ ఫ్యూచర్స్ నేడు సాయంత్రం సెషన్లో రూ.255.00 (0.35%) పెరిగి రూ.72503.00 వద్ద ట్రేడ్ అయింది. రూ.72,000.00 వద్ద ప్రారంభమై, రూ.72,510.00 వద్ద గరిష్టాన్ని తాకి, రూ.71,698.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.251.00 (0.34%) తగ్గి రూ.73664.00 వద్ద ట్రేడ్ అయింది. రూ.73,160.00 వద్ద ప్రారంభమైన ధర, రూ.73,664.00 గరిష్టాన్ని, రూ.72,908.00 కనిష్టాన్ని తాకింది

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లో బంగారం ధరలు పెరిగాయి. 1900 డాలర్ల పైకి చేరుకున్నాయి. అంతర్జాతీయ మార్కెట్లో గోల్డ్ ఫ్యూచర్స్ నేడు 3.15

(+0.17%) డాలర్లు పెరిగి 1,908.15 డాలర్ల వద్ద కదలాడింది. నేటి సెషన్లో 1,896.75 - 1,911.65 డాలర్ల మధ్య కదలాడింది. సిల్వర్ ఫ్యూచర్స్ కూడా పెరిగింది. 0.101 (+0.36%) డాలర్లు పెరిగి 28.203 డాలర్ల వద్ద ట్రేడ్ అయింది. నేటి సెషన్లో 27.780 - 28.212 డాలర్ల మధ్య కదలాడింది.