Gold Price Today: రూ.51,000కు దిగువనే బంగారం ధరలు

బంగారం ధరలు గత కొద్ది రోజులుగా రూ.51,000 స్థాయిలోనే కదలాడుతున్నాయి. అంతర్జాతీయ మార్కెట్‌లోను గోల్డ్ ఫ్యూచర్ ధరలు 1850 డాలర్ల నుండి 1860 డాలర్ల మధ్య కదలాడుతున్నాయి. వెండి ధరలు కూడా రూ.62,000కు పైనే ఉన్నాయి. ఆర్బీఐ ఎంపీసీ సమావేశానికి ముందు మార్కెట్లు అప్రమత్తంగా కదలాయి. వడ్డీ రేట్ల పెంపు ఉంటుందనే కారణంతో బంగారం ధరలు కూడా కాస్త అప్రమత్తంగా ఉన్నాయి. అయితే ద్రవ్యోల్భణ భయాలు, ఇంధన ధరల పెరుగుదల పసిడి పెరుగుదలకు కారణమైంది.

సాయంత్రం గం.8.30 సమయానికి ఆగస్ట్ గోల్డ్ ఫ్యూచర్స్ రూ.91 పెరిగి రూ.50,961 వద్ద, అక్టోబర్ గోల్డ్ ఫ్యూచర్స్ రూ.131 ఎగిసి రూ.51,252 వద్ద ట్రేడ్ అయింది. సిల్వర్ ధరలు జూలై ఫ్యూచర్స్ రూ.63 తగ్గి రూ.62,236 వద్ద సెప్టెంబర్ సిల్వర్ ఫ్యూచర్స్ రూ.45 తగ్గి రూ.62,958 వద్ద ట్రేడ్ అయింది.

అంతర్జాతీయ మార్కెట్లో బంగారం ధరలు 1850 డాలర్లకు పైనే ఉన్నాయి. గోల్డ్ ఫ్యూచర్స్ ఈ వార్త రాసే సమయానికి 10 డాలర్లు పెరిగి 1853 డాలర్ల వద్ద, సిల్వర్ ఫ్యూచర్స్ 0.106 డాలర్లు పెరిగి 22.198 డాలర్ల వద్ద ట్రేడ్ అయింది. పసిడి ఆల్ టైమ్ గరిష్టం 2075 డాలర్లతో పోలిస్తే 2020 డాలర్లకు పైగా తక్కువగా ఉంది.