For Quick Alerts
ALLOW NOTIFICATIONS  
For Daily Alerts

2020లో 11 ఏళ్ల కనిష్టానికి పడిపోయిన బంగారం డిమాండ్

|

ప్రపంచవ్యాప్తంగా బంగారం డిమాండ్ 2020 క్యాలెండర్ ఇయర్‌లో 11 శాతం మేర క్షీణించింది. బంగారం ఎక్కువగా వినియోగించే దేశాల్లో చైనా, భారత్ మొదటి రెండు స్థానాల్లో ఉన్నాయి. కరోనా మహమ్మారి నేపథ్యంలో గత ఏడాది ఎగుమతులు, దిగుమతులు క్షీణించాయి. 2020 మొదటి అర్ధ సంవత్సరంలో పసిడి సహా అన్ని సేల్స్ పడిపోయాయి. మన దేశంలోకి బంగారం దిగుమతులు తగ్గడంతో పాటు, జ్యువెల్లరీ ఎగుమతులు కూడా క్షీణించాయి. కరోనా కారణంగా కొనుగోళ్లు కూడా క్షీణించాయి. దీంతో ప్రపంచ డిమాండ్ కనిష్టానికి పడిపోయింది.

రాజస్థాన్ ఆ సిటీలో రూ.100 దాటిన ఆ పెట్రోల్ ధర, నేడు బ్రెంట్ క్రూడ్ స్వల్పంగా డౌన్

14 శాతం డౌన్

14 శాతం డౌన్

కరోనా బులియన్ వాణిజ్యం భౌగోళికతను కూడా మార్చింది. భారత్ నుండి ఆభరణాల ఎగుమతులు ఎక్కువగా ఉంటాయి. యూరోప్, అమెరికా నుండి పెట్టుబడిదారులు ఎక్కువగా ఉంటారు. 2020లో కరోనా, దిగుమతులు క్షీణించి బంగారం ధరలు 25 శాతం పెరిగాయి. కరోనా పరిస్థితుల్లో ధరలు కూడా పెరగడంతో బంగారం, జ్యువెల్లరీ కొనుగోళ్లు తగ్గాయి. గత ఏడాది ప్రపంచ బంగారం డిమాండ్ 3,759.6 టన్నులకు పడిపోయింది. 2019తో పోలిస్తే ఇది 14 శాతం తక్కువ. 2009 నుండి మొదటిసారి 4,000 టన్నుల కంటే దిగువకు వచ్చింది.

త్రైమాసికం పరంగా..

త్రైమాసికం పరంగా..

పదకొండేళ్లలో తొలిసారి బంగారం డిమాండ్ భారీగా తగ్గిందని ప్రపంచ గోల్డ్ కౌన్సిల్ తన త్రైమాసిక నివేదికలో తెలిపింది. 2020 కూడా వీక్ డిమాండ్‌తో ముగిసిందన్నారు. అక్టోబర్-డిసెంబర్ త్రైమాసికంలో బంగారం డిమాండ్ 783.4 టన్నులకు పడిపోయింది. ఏడాది ప్రాతిపదికన ఇది 28 శాతం తక్కువ. 2008 నుండి ఓ త్రైమాసికంలో ఈ స్థాయిలో తగ్గిపోవడం ఇదే మొదటిసారి.

ఇన్వెస్ట్‌మెంట్ అప్

ఇన్వెస్ట్‌మెంట్ అప్

బంగారాన్ని భారతీయులు ఎక్కువగా ధరిస్తారు. అందుకే ఇక్కడ డిమాండ్ ఎక్కువ. అలాగే సురక్షిత పెట్టుబడిగా కూడా భావిస్తారు. గత ఏడాది ఇన్వెస్టర్లు 1773.2 టన్నుల బంగారాన్ని కొనుగోలు చేశారు. 2019తో చూస్తే ఇది 40 శాతం ఎక్కువ. గత కొన్నేళ్లుగా ఏ ఏడాదితో పోల్చినా ఏడాది ప్రాతిపదికన 40 శాతం పెరగడం ఇదే గరిష్టం. ప్రస్తుతం బంగారం ధరలు ఔన్స్ 1850 డాలర్లుగా ఉంది. దేశీయ ఫ్యూచర్ మార్కెట్లో రూ.49,000 దిగువన ఉంది.

English summary

Gold demand plunged to 11 year low in 2020 as virus upended trade: WGC

Global demand for gold fell to its lowest in 11 years in 2020 as the coronavirus upended the market, triggering huge stockpiling by investors but collapsing sales of jewellery and purchases by central banks, an industry report said on Thursday.
Story first published: Thursday, January 28, 2021, 15:40 [IST]
Company Search