Gold prices today: తగ్గిన బంగారం ధర, వెండి రూ.1,100 పతనం

ఇటీవల కరోనా సెకండ్ వేవ్ నేపథ్యంలో జాతీయంగా, అంతర్జాతీయంగా భారీగా పెరిగిన బంగారం, వెండి ధరలు నేడు క్షీణించాయి. ఈ వారంలో గత నాలుగు రోజుల్లో బంగారం ధరలు మూడు రోజులు క్షీణించాయి. నేడు (మే 21, శుక్రవారం) పసిడితో పాటు వెండి ధరలు భారీగా పడిపోయాయి. పసిడి ధరలు పది గ్రాములు రూ.48,400 దిగువకు వచ్చాయి. వెండి రూ.71,200 దిగువకు వచ్చింది. అంతర్జాతీయ మార్కెట్లోను పసిడి, వెండి ధరలు క్షీణించాయి. 1900 డాలర్ల దిశగా కనిపించిన పసిడి ఇప్పుడు కాస్త తగ్గుముఖం పట్టింది. గత ఏడాది ఆగస్ట్ 7వ తేదీ నాటి ఆల్ టైమ్ గరిష్టం రూ.56,200తో పోలిస్తే పసిడి రూ.7800 తక్కువగా ఉంది.

ఫ్యూచర్‌లో తగ్గిన ధర

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేటి సాయంత్రం సెషన్లో రూ.148.00 (0.30%) తగ్గి రూ.48396.00 వద్ద ట్రేడ్ అయింది. రూ.48,336.00 వద్ద ప్రారంభమైన ధర, రూ.48,670.00 గరిష్టాన్ని, రూ.48,230.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ రూ.209.00 (0.43%) తగ్గి రూ.48851.00 వద్ద ట్రేడ్ అయింది. రూ.48,850.00 వద్ద ప్రారంభమై, రూ.49,144.00 గరిష్టాన్ని, రూ.48,719.00 వద్ద కనిష్టాన్ని తాకింది.

వెండి రూ.1000కి పైగా డౌన్

వెండి ధరలు భారీగా తగ్గాయి. ఏకంగా రూ.1000కి పైగా తగ్గాయి. జూలై సిల్వర్ ఫ్యూచర్స్ నేడు సాయంత్రం సెషన్లో రూ.-1,168.00 (-1.62%) తగ్గి రూ.71136.00 వద్ద ట్రేడ్ అయింది. రూ.71,750.00 వద్ద ప్రారంభమై, రూ.72,490.00 గరిష్టాన్ని, రూ.70,724.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.1,194.00 (-1.63%) తగ్గి రూ.72170.00 వద్ద ట్రేడ్ అయింది. రూ.72,773.00 ప్రారంభమైన ధర, రూ.73,531.00 వద్ద గరిష్టాన్ని, రూ.71,877.00 కనిష్టాన్ని తాకింది.

గోల్డ్ ఫ్యూచర్స్....

అంతర్జాతీయ మార్కెట్లో బంగారం ధరలు స్వల్పంగా తగ్గుముఖం పట్టాయి. 1900 డాలర్ల దిశగా పసిడి ఇప్పుడు 1875 డాలర్ల స్థాయికి వచ్చింది. గోల్డ్ ఫ్యూచర్స్ నేడు 5.45 (-0.29%) డాలర్లు తగ్గి 1,876.40 డాలర్ల వద్ద ట్రేడ్ అయింది. నేటి సెషన్లో 1,870.55 - 1,890.15 డాలర్ల మధ్య కదలాడింది. సిల్వర్ ఫ్యూచర్స్ తగ్గింది. 0.555 (-1.98%) డాలర్లు తగ్గి 27.512 డాలర్ల వద్ద ట్రేడ్ అయింది. నేటి సెషన్లో 27.418 - 28.192 డాలర్ల మధ్య కదలాడింది.