For Quick Alerts
ALLOW NOTIFICATIONS  
For Daily Alerts

లగ్జరీ వస్తువులకు కరోనా దెబ్బ, ప్రపంచ ఆర్థిక వ్యవస్థ ఎప్పుడు కోలుకోవచ్చునంటే?

|

కరోనా మహమ్మారి కారణంగా ప్రపంచ దేశాల ఆర్థిక కార్యకలాపాలు నిలిచిపోయి, వ్యవస్థలు దెబ్బతిన్నాయి. గత కొద్ది నెలలుగా క్రమంగా కోలుకుంటున్నాయి. అయితే కరోనా రెండో వేవ్ అందరినీ ఆందోళనకు గురి చేస్తోంది. కరోనా వెలుగు చూసినప్పటి నుండి ప్రపంచవ్యాప్తంగా ప్రజలు కొనుగోళ్లను తగ్గించారు. అత్యవసరమైతే తప్ప కొనుగోలు చేయడం లేదు. ఖరీదైన వస్తువుల కొనుగోళ్లు క్షీణించాయి. అంతర్జాతీయంగా విలాసవంతమైన వస్తువులు, ఆభరణాలు, సౌందర్య ఉత్పత్తుల అమ్మకాలు 23 శాతం మేర క్షీణించవచ్చునని ప్రముఖ కన్సల్టెన్సీ సర్వీసెస్ సంస్థ బెయిన్ నివేదిక తెలిపింది.

భారత ఆర్థిక వ్యవస్థ వేగంగా కోలుకుంటోంది: మూడీస్ తర్వాత గోల్డ్‌మన్ శాక్స్ అంచనా

ఆరేళ్లుగా వచ్చిన వృద్ధి తుడిచి పెట్టుకుపోయింది

ఆరేళ్లుగా వచ్చిన వృద్ధి తుడిచి పెట్టుకుపోయింది

కరోనా కారణంగా దాదాపు ఆరేళ్లుగా వచ్చిన వృద్ధి తుడిచి పెట్టుకుపోయిందని బెయిన్ నివేదిక తెలిపింది. కరోనా వల్ల అమ్మకాలు 35 శాతం క్షీణిస్తాయని గతంలో అంచనా వేసింది. గత అంచనాతో పోలిస్తే ఇప్పుడు కాస్త మెరుగైనట్లు భావిస్తున్నారు. మొత్తం అమ్మకాల్లో మూడో వంతు వాటా ఉన్న చైనా మార్కెట్ రికవరీ కావడం ఇందుకు కారణంగా చెబుతున్నారు. కరోనా వల్ల 2020లో అన్ని దేశాల ఆర్థిక వ్యవస్థలు తుడిచి పెట్టుకుపోయాయి. పూర్తి సంవత్సరానికి ప్రతికూలత నమోదు చేయనున్నాయి. ప్రారంభ త్రైమాసికాల్లో దెబ్బతిన్న చైనా మాత్రమే మిగతా దేశాల కంటే కోలుకొని, పాజిటివ్ వృద్ధి నమోదు చేసే అవకాశాలు ఉన్నాయి.

2009 తర్వాత భారీ క్షీణత

2009 తర్వాత భారీ క్షీణత

చైనా మార్కెట్ రికవరీకి తోడు భారత్ సహా ఇతర ప్రపంచ మార్కెట్లు కాస్త కోలుకుంటున్నాయి. దీంతో గతంలో 35 శాతం క్షీణిస్తాయని అంచనా వేయగా, తాజా నివేదికలో దానిని 23 శాతానికి సవరించింది. 2020లో విలాస వస్తువుల అమ్మకాలు 217 బిలియన్ యూరోలుగా అంచనా వేశారు. మన కరెన్సీలో 19 లక్షల కోట్లకు పైగా. 2014తో పోలిస్తే ఇది 2 యూరోలు తక్కువ. 2019 నుండి 64 బిలియన్ యూరోలు క్షీణించాయి. 2009లో ఆర్థిక సంక్షోభం సమయంలో 9 శాతం క్షీణత నమోదు చేయగా, ఇప్పుడు అంతకంటే ఎక్కువ తగ్గుతోంది.

ఎప్పుడు కోలుకోవచ్చు

ఎప్పుడు కోలుకోవచ్చు

కరోనా కారణంగా అన్ని రంగాలు దెబ్బతిన్నాయని, లగ్జరీ వస్తువుల రంగం అన్నింటి కంటే ఎక్కువగా దెబ్బతిన్నదని బెయిన్ తెలిపింది. ఇది ఎప్పుడు కోలుకుంటుందనేది కరోనా వ్యాక్సీన్ రాకపైన ఆధారపడి ఉంటుందని పేర్కొంది. వచ్చే ఏడాది ఈ వస్తువుల క్షీణత 10 శాతం నుండి 19 శాతంగా ఉండవచ్చునని తెలిపింది. ఏడాది మొత్తానికి బ్రాండ్ ప్రాఫిట్ 60 శాతం క్షీణించవచ్చు. ప్రపంచ ఆర్థిక వ్యవస్థ పూర్తిగా 2022 నుండి 2023 మధ్య కోలుకోవచ్చునని తెలిపింది. 2025 నాటికి ప్రపంచ కస్టమర్ సేల్‌లో చైనా వాటా దాదాపు సగం ఉంటుందని పేర్కొంది.

English summary

Global luxury sales forecast to plunge 23 percent due to coronavirus

Sales of luxury apparel, jewelry and beauty products are set to slide by nearly a quarter this year as the pandemic wipes out more than six years of growth, according to a study released Wednesday by the consultancy Bain.
Story first published: Thursday, November 19, 2020, 7:38 [IST]
Company Search