న్యూ ఇయర్ వేళ జొమాటో, స్విగ్గీ వర్కర్లు బిగ్ షాక్.. తమ డిమాండ్లు నెరవేర్చాలంటూ సమ్మె..

డిసెంబర్ 31న జొమాటో, స్విగ్గీ, బ్లింకిట్, జెప్టో, అమెజాన్, ఫ్లిప్‌కార్ట్ వంటి ప్రముఖ డెలివరీ, రిటైల్ ప్లాట్‌ఫామ్‌లకు చెందిన గిగ్ వర్కర్లు (Gig Workers) దేశవ్యాప్తంగా సమ్మెకు సిద్ధమవుతున్నారని సమాచారం. ఈ సమ్మె కారణంగా భారతదేశంలో నూతన సంవత్సర వేడుకలు, ముఖ్యంగా ఆహార, నిత్యావసర సరఫరాలపై తీవ్ర ప్రభావం ఏర్పడే అవకాశముంది.

సంవత్సరంలో అత్యంత రద్దీగా ఉండే డిసెంబర్ చివరి రోజు, వినియోగదారులు డెలివరీ ప్లాట్‌ఫామ్‌లపై ఆధారపడే సందర్భాలు ఎక్కువగా ఉండటంతో.. ఈ సమ్మె కస్టమర్ ప్రణాళికలకు దెబ్బతీసే అవకాశం ఉంది. అంతేకాక, సంవత్సరం చివరి ఆర్డర్ల ద్వారా వస్తున్న ఆదాయాన్ని ఎదురుచూసే రిటైలర్లు కూడా తీవ్రంగా ప్రభావితమయ్యే అవకాశాలు ఉన్నాయి.

తెలంగాణ గిగ్ అండ్ ప్లాట్‌ఫామ్ వర్కర్స్ యూనియన్ (TGPWU), ఇండియన్ ఫెడరేషన్ ఆఫ్ యాప్-బేస్డ్ ట్రాన్స్‌పోర్ట్ వర్కర్స్ (IFAT) పిలుపునిచ్చారు. ఈ సమ్మెకు మహారాష్ట్ర, కర్ణాటక, ఢిల్లీ-NCR, పశ్చిమ బెంగాల్, తమిళనాడు వంటి రాష్ట్రాల్లోని బహుళ ప్రాంతీయ సమిష్టి యూనియన్లు మద్దతు అందించనున్నారు.

గిగ్ వర్కర్లు సమ్మెకు దిగడానికి కారణం ఏంటంటే.. డెలివరీ భాగస్వాములు తక్కువ భద్రత, గుర్తింపు లేకపోవడం, ఉద్యోగ భద్రత లేకపోవడం వంటి సమస్యలతో పాటు, కష్టతరమైన పని గంటల వల్ల ఆదాయం తక్కువగా ఉండటం, నిష్ప్రభుత్వ పరిస్థితులు ఉండటం వంటి కారణాలు అని చెప్పవచ్చు. ఈ డిమాండ్లతో వారు నిరసన చేపడుతున్నారు.

ఈ సమ్మె నూతన సంవత్సర వేడుకలపై ఎలా ప్రభావం చూపుతుందంటే.. డెలివరీ ఎగ్జిక్యూటివ్‌లు యాప్‌లను లాగ్ ఆఫ్ చేయడం లేదా వారి పనిభారాన్ని తగ్గించడం వల్ల కస్టమర్లు ఆలస్యం, ఆర్డర్లు రద్దు కావడం వంటి సమస్యలను ఎదుర్కోవాల్సి ఉంటుంది. పూణే, బెంగళూరు, ఢిల్లీ, హైదరాబాద్, కోల్‌కతా వంటి ప్రధాన నగరాలు, అలాగే టైర్-2 నగరాల ఆహార, కిరాణా డెలివరీల సేవలు ప్రభావితమవుతాయని విశ్లేషకులు భావిస్తున్నారు. TGPWU వ్యవస్థాపక అధ్యక్షుడు షేక్ సలావుద్దీన్ ప్రకారం.. 100,000-150,000 మంది రైడర్లు ఈ సమ్మెలో పాల్గొనే అవకాశం ఉంది. సమ్మె సమయంలో ఎక్కువ మంది రైడర్లు ఆహారం పంపిణీని వాయిదా వేస్తారు లేదా రద్దు చేస్తారు, కాబట్టి వినియోగదారులు ఆలస్యం లేదా రద్దు సమస్యలను ఎదుర్కోవచ్చు.

కస్టమర్లు ఏం చేయాలి అంటే.. డెలివరీ ప్లాట్‌ఫామ్‌లు ప్రమోషనల్ ఆఫర్‌లు అమలు చేస్తున్నప్పటికీ, అవసరమైన ఉత్పత్తులను ముందుగానే నిల్వ చేసుకోవడం మంచిది. అత్యవసర వస్తువుల కోసం నేరుగా భౌతిక దుకాణాల నుండి కొనుగోలు చేయడం సురక్షితం. అర్ధరాత్రి వరకు డైనమిక్ లేదా సర్జ్ ధరలు వర్తించవచ్చునని, డెలివరీ సమయాలు సాధారణంగా 10 నిమిషాల నుండి ఎక్కువగా పొడగించవచ్చు. కాబట్టి వినియోగదారులు సిద్ధంగా ఉండాలి.ఏదేమైనా డిసెంబర్ 31 గిగ్ వర్కర్స్ సమ్మె నూతన సంవత్సర వేడుకలను ప్రభావితం చేయవచ్చని.. వినియోగదారులు ముందస్తు ప్రణాళికలు తీసుకోవడం అత్యంత అవసరమని నిపుణులు సూచిస్తున్నారు.