FY23లో భారత జీడీపీ వృద్ధి అంచనాలు 8.5% శాతానికి సవరించిన ఫిచ్

భారత్‌లో వినియోగదారుల ధరల సూచీ ద్రవ్యోల్భణం FY23 చివరి నాటికి 4.6 శాతం, FY24లో చివరినాటికి 5 శాతంగా అంచనా వేస్తోంది ఫిచ్ రేటింగ్స్. ఫిచ్ రేటింగ్స్ ప్రకారం ఆర్బీఐ ద్వారా ద్రవ్య విధానం సాధారణీకరణ ఇప్పటి వరకు చాలా నిస్సారంగా ఉంది. 2022-23 ఆర్థిక సంవత్సరానికి గాను జీడీపీ వృద్ధి రేటు అంచనాలను 180 బేసిస్ పాయింట్లను తగ్గించి 8.5 శాతానికి సవరించింది. అంతర్జాతీయంగా చమురు ధరలు భారీగా పెరిగిన నేపథ్యంలో ఈ ప్రభావం భారత ఆర్థిక వ్యవస్థపై ఉంటుందని పేర్కొంది.

అయితే FY22కి రేటింగ్స్ ఏజెన్సీ డిసెంబర్ అంచనా కంటే 8.7 శాతానికి 60 బేసిస్ పాయింట్లను పెంచింది. భారత ఆర్థిక వ్యవస్థ ఒమిక్రాన్ వేరియంట్ ప్రభావం గత కరోనా వేవ్స్ కంటే తక్కువగా ఉండటంతో FY22 జీడీపీ వృద్ధి అంచనాలను పెంచింది ఫిచ్. ఆర్బీఐ FY23 అంచనాల కంటే ఫిచ్ రేటింగ అంచనాయే ఎక్కువగా ఉంది. వచ్చే ఆర్థిక సంవత్సరంలో భారత జీడీపీ 7.8 శాతం పెరుగుతుందని కేంద్ర బ్యాంకు భావిస్తోంది. ఈ సంవత్సరం వృద్ధి రేటును 8.9 శాతంగా పేర్కొంది.

2022 క్యాలెండర్ ఏడాదిలో ప్రపంచ వృద్ధి 4.2 శాతం నుండి 3.5 శాతానికి తగ్గించింది. అదే సమయంలో భారత్ వచ్చే ఏడాది వృద్ధి రేటు అంచనాల్లో కోత విధించింది. గ్లోబల్ ఎకానమీ కూడా 2023 క్యాలెండర్ ఏడాదిలో 2.8 శాతం తక్కువ రేటుతో వృద్ధి చెందుతుందని అంచనా వేసింది. అంతకుముందు దీనిని 3 శాతంగా పేర్కొంది.