రిటర్న్ ఫైల్ చేసిన తర్వాత ఐటీ నోటీసా? భయపడకండి, అలాంటి సమయంలో ఇలా స్పందించండి

పన్ను రిటర్న్ ఫైల్ చేసిన తర్వాత కొంత మందికి ఆదాయపు పన్ను శాఖ నుంచి నోటీసు రావచ్చు. అప్పుడు నోటిసుని చూసి కొంతమంది భయపడతారు. కానీ చాలా సందర్భాల్లో ఇది పెద్ద విషయం కాదు. ఇప్పటి ట్యాక్స్ వ్యవస్థ డిజిటల్ అయిపోయింది కాబట్టి, కొన్ని విషయాలు అటోమేటిక్‌గా చెక్ అవుతుంటాయి. చిన్న చిన్న గందరగోళాల వల్లనైనా, సమాచారం క్లియర్‌గా లేకపోయినప్పటికీ నోటీసు రావచ్చు. సరైన సమాచారం ఇవ్వడం వల్ల సమస్య తేలికగా పరిష్కరించవచ్చు. ప్రస్తుతం పన్ను వ్యవస్థ చాలా డిజిటల్ అయిపోయింది.

అందుకే, Form 26AS లేదా AIS (Annual Information Statement) లో ఉండాల్సిన సమాచారం కాస్త కూడా తేడా ఉన్నా, అది తక్కువగా ఉన్నా, ట్యాక్స్ వ్యవస్థ అటోమేటిక్‌గా నోటీసు పంపుతుంది. చిన్న పొరపాట్ల వలన కూడా ఇలా జరగొచ్చు. చాలా నోటీసులు సాధారణమైనవి, అవి కేవలం డాక్యుమెంట్ల క్లారిఫికేషన్ కోసం లేదా చిన్న తప్పుల సరిదిద్దడం కోసం వస్తాయి.

ఇన్కమ్ ట్యాక్స్ నోటీసులు ఎందుకు వస్తాయి?
అన్ని పన్ను నోటీసులు ఒకే కారణం కలిగినవి కాదు, అవి అనేక కారణాల వల్ల రావచ్చు:
1. మీరు పొందిన ఆదాయాన్ని పూర్తిగా చూపించకపోవడం లేదా తప్పుగా చూపించడం వల్ల నోటీసు రావచ్చు.

2. బ్యాంక్ ఖాతాల్లో పెద్ద మొత్తంలో డిపాజిట్లు, షేర్లలో పెద్ద మొత్తంలో పెట్టుబడులు వంటివి అధికారులు గమనించగా, మీరు వాటిని రిటర్న్‌లో చూపించకపోతే నోటీసు రావొచ్చు.

3. మీరు టైంకి లేదా సరైన విధంగా డిడక్షన్లు క్లెయిమ్ చేయకపోతే గందరగోళం తలెత్తుతుంది, దీని వల్ల నోటీసు రావచ్చు.
4. అనుభవం లేకుండా లేదా జాగ్రత్త లేకుండా రిటర్న్ ఫైల్ చేస్తే తప్పులు జరుగుతాయి. అలాంటప్పుడు కూడా నోటీసు వచ్చే అవకాశం ఉంటుంది.

ఉదాహరణకు, మీరు ఫైల్ చేసిన రిటర్న్ లోని వివరాలు Form 26AS లేదా AIS లో కనబడిన సమాచారంతో సరిపోలేకపోతే Section 143(1) కింద నోటీసు వస్తుంది. కొన్నిసార్లు ఈ నోటీసులు కేవలం కొద్దిగా వివరాలు ఇవ్వమని ఉంటాయి, మరి కొన్ని సార్లు Section 143(2) ఆధారంగా లోతైన పరిశీలన కూడా జరుగుతుంది.

Section 143(1): ప్రాథమిక ప్రాసెసింగ్ తర్వాత వచ్చే నోటీసు. ఇది రిఫండ్, డిమాండ్ లేదా సర్దుబాటు గురించి ఉంటుంది.

Section 139(9): 'డిఫెక్టివ్ రిటర్న్' అంటే మీ రిటర్న్ లో కొన్ని తప్పులు ఉన్నాయని తెలుపుతుంది. మీరే దానిని సవరించాలి.

Section 143(2): లోతైన పరిశీలన (scrutiny) కోసం, డి‌టైల్డ్ ఇన్వెస్టిగేషన్.

Section 148: పాత అసెస్‌మెంట్ల తిరిగిచూసే ప్రక్రియకి సంబంధించిన నోటీసు.

ఈ సెక్షన్ల అర్థాన్ని తెలుసుకోవడం వల్ల మీకు నోటీసు తీవ్రతను అర్థం చేసుకోవడానికి సాయం చేస్తుంది.

Form 26AS మరియు AIS లోని ఆదాయం సరిపోల్చుకోవడం ఎందుకు ముఖ్యమో:
చాలా సార్లు ట్యాక్స్ నోటీసులు రావడానికి కారణం ఏంటంటే Form 26AS లేదా AIS లో మీ ఆదాయం చూపించబడినప్పటికీ, మీరు అదే ఆదాయాన్ని ఐటీ రిటర్న్ లో చేర్చకపోవడం. ఈ తేడా అధికారులు గమనించి నోటీసు పంపుతారు. ఉదాహరణకు FD వడ్డీ, డివిడెండ్ వంటి ఆదాయాలు మర్చిపోతే, ఈ తేడాతో నోటీసు వస్తుంది.

అందుకే మీరు రిటర్న్ ఫైల్ చేసే ముందు కనీసం Form 26AS మరియు AIS డేటాతో మీ ఫైలింగ్ వివరాలను జాగ్రత్తగా సరిచేసుకోవడం ఎంత ముఖ్యమో గుర్తుంచుకోండి.

ఇన్కమ్ ట్యాక్స్ నోటీసు వచ్చినప్పుడు చూసుకోవాల్సిన చర్యల సమయాన్ని గమనించండి. సాధారణంగా 15-30 రోజులు సమాధానం ఇవ్వడానికి సమయం ఉన్నటుంది.

1. మొదట I-T పోర్టల్ లో లాగిన్ అయ్యి 'e-Proceedings' లేదా 'e-Responses' సెక్షన్లకు వెళ్లి అప్లోడ్ చేయండి.

2. జీతం స్లిప్స్, TDS సర్టిఫికెట్లు, బ్యాంక్ స్టేట్‌మెంట్‌లు తదితర ఆధారాలను కాగితాలతో అప్లోడ్ చేయండి.

3. మీరు పంపే రిప్లై పూర్తిగా, వివరాలు ఉండే విధంగా ఉండాలి.

4. సమయానికి సమాధానం ఇవ్వకపోతే ఆటోమేటిక్ సర్దుబాటు, పెనాల్టీ లేదా రీఫండ్ తిరస్కరణ జరుగవచ్చు.

ఇలా నోటీసులు (Section 143(2), Section 148). ఈ సెక్షన్ల కింద వచ్చిన నోటీసులు చాలా సీరియస్. ఇవి వివిధ ఆదాయాలు, లావాదేవీలు, డెడక్షన్ల వివరణ కోరతాయి. ఈ సందర్భాల్లో ఆలస్యం చేయకుండా చార్టర్డ్ అకౌంటెంట్ లేదా పన్ను నిపుణుడిని సంప్రదించడం చాలా అవసరం. వారు మీ మీకు అరదమైయ్యేటట్టు, సక్రమంగా ఏ డాక్యుమెంట్లు సమర్పించాలో, ఏ అంశాలకు ఏది పెట్టాలి అనేదానిపై గైడెన్స్ ఇస్తారు.

తరచుగా చాలా చిన్న వ్యత్యాసాలు లేదా పొరపాట్ల వల్ల నోటీసు వచ్చింది. రూ 5,000 లేదా అలాంటివి తేడాలు కూడా Section 143(1) క్రింద నోటీసు రావడానికి కారణం కావచ్చు. మీరు తనిఖీ, లీగల్ సర్దుబాట్ల నుండి దూరంగా ఉండాలనుకుంటే, వేగంగా, సరైన సమాధానంతో స్పందించండి. అవసరమైతే ఆన్‌లైన్‌లో సమర్పించే ముందు ట్యాక్స్ కన్సల్టెంట్ సహాయం తీసుకోండి.

ప్రశాంతంగా, జాగ్రత్తగా, ప్రొఫెషనల్ గా నోటీసులకి సమాధానం ఇస్తే సమస్య తేలికగా పరిష్కారమవుతుంది. పన్ను శాఖతో మీ వ్యవహారం ఎప్పుడూ క్లియర్‌గా ఉంచుకోవడం మీకు లాభదాయకం. ముందూ మీ పన్ను రిటర్న్ స్పష్టంగా, పూర్తిగా, 26AS/AIS తో సరిచూసుకుని ఫైల్ చేయండి. ఈ ప్రాక్టీస్ ఇన్కమ్ ట్యాక్స్ నోటీసు వచ్చే అవకాశాన్ని తగ్గిస్తుంది మరియు మీరు శాంతంగా ఉండవచ్చు.