రూల్స్‌కు విరుద్ధంగా టెస్లా ఓపెన్, నన్ను అరెస్ట్ చేయాలని ఎలాన్ మస్క్ సవాల్

కరోనా మహమ్మారి నేపథ్యంలో ప్రపంచవ్యాప్తంగా వివిధ కంపెనీలు ప్రభుత్వ ఆంక్షల మేరకు క్లోజ్ అయ్యాయి. అయితే నిబంధనలకు విరుద్ధంగా ఎలాన్ మస్క్‍‌కు చెందిన టెస్లా కాలిఫోర్నియా కంపెనీ ఓపెన్ చేసిన ఆరోపణలు ఎదుర్కొంటోంది. లాక్ డౌన్ నిబంధనలకు విరుద్ధంగా దీనిని ఓపెన్ చేశారు. టెస్లా ప్రపంచ ప్రఖ్యాత విద్యుత్ కార్ల తయారీ కంపెనీ. ఇది కాలిఫోర్నియాలో తన కార్యకలాపాలను తిరిగి ప్రారంభించింది.

అనుమతి లేకుండా ఓపెన్

స్థానిక అధికారులు అనుమతులు ఇవ్వకపోయినప్పటికీ సీఈవో ఎలాన్ మస్క్ దీనిని తెరిచారు. ఒకవేళ కంపెనీ పునరుద్ధరణకు అనుమతి ఇవ్వకుంటే టెక్సాస్ లేదా నెవడాకు ప్రధాన కార్యాలయాన్ని మారుస్తామని అంతకుముందే కాలిఫోర్నియా ప్రభుత్వాన్ని హెచ్చరించారు మస్క్. మరుసటి రోజు దీనిని ప్రారంభించారు. ఆయన కంపెనీ ఉద్యోగులు, కార్మికులకు లేఖ కూడా రాశారు.

నన్ను అరెస్ట్ చేయాలి

సోమవారం నుండి కంపెనీ సాధారణ కార్యకలాపాలు తిరిగి ప్రారంభం అవుతాయని ఆ లేఖలో ఎలాన్ మస్క్ పేర్కొన్నారు. ఇది అలమెడా స్థానిక ప్రభుత్వ నిబంధనలకు విరుద్ధమైనప్పటికీ, ముందుకే వెళ్లేందుకు నిర్ణయించుకున్నట్లు చెప్పారు. కంపెనీని తెరిచినందుకు ఒకవేళ అధికారులు ఎవరినైనా అరెస్టు చేయాలని భావిస్తే తనను అరెస్ట్ చేయాలని మస్క్ సవాల్ విసిరారు. కాలిఫోర్నియా గవర్నర్ అనుమతించినప్పటికీ అలమెడా అధికారులు వాటిని ఉల్లంఘిస్తున్నారన్నారు. ఉద్యోగుల భద్రత కోసం తాము చర్యలు తీసుకున్నామని చెప్పారు.

23 నుండి క్లోజ్

కరోనా మహమ్మారి కారణంగా ఈ ప్లాంట్ మార్చి 23వ తేదీ నుండి క్లోజ్ ఉంది. అనుమతులు లేకుండా ఓపెన్ చేస్తే 1000 డాలర్ల జరిమానా, 90 రోజుల జైలు శిక్ష విధించే అవకాశముంది. సోమవారం 10,000 మంది వర్కర్లతో ఇది ప్రారంభమైంది. అయితే ప్లాంట్ ఎట్టి పరిస్థితుల్లో తెరుస్తామని ఎలాన్ మస్క్ స్పష్టం చేశారు.