ఇండియా పోస్ట్, IPPB ఖాతాదారులకు డాక్‌పే యాప్

ఇండియా పోస్ట్ పేమెంట్స్ బ్యాంక్ ఖాతాదారులు బ్యాంకింగ్ సేవలు నిర్వహించుకునేందుకు వీలుగా డాక్-పే యాప్‌ను ప్రారంభించింది తపాలా శాఖ. మంగళవారం కేంద్రమంత్రి రవిశంకర ప్రసాద్ ఈ యాప్‌ను ఆవిష్కరించారు.

భారతీయ తపాలా శాఖ తీసుకు వచ్చిన డాక్-పే పేమెంట్ యాప్ ద్వారా తపాలా శాఖ, ఇండియా పోస్ట్ పేమెంట్ బ్యాంకు (ఐపీపీబీ) ఖాతాదారులు డిజిటల్‌ ఆర్థిక సేవలు నిర్వహించవచ్చు.

దేశవ్యాప్తంగా తపాలా నెట్ వర్క్ ద్వారా ఇండియా పోస్ట్, ఐపీపీబీ అందించే బ్యాంకింగ్ సేవలను వినియోగదారులు డాక్-పే యాప్ ద్వారా పొందవచ్చునని తెలిపింది. నగదును పంపించడం, క్యూఆర్ కోడ్ స్కానింగ్, సేవలు, వ్యాపారులకు చేసే చెల్లింపుల వంటి సేవలను ఖాతాదారులు డిజిటల్‌గా పూర్తి చేసుకోవచ్చు. తపాలా శాఖ అందించే ఆర్థిక సేవలను ఇంటి వద్ద పొందవచ్చు.