వడ్డీ ఆదాయంపై టీడీఎస్ మినహాయింపు ఫారాల గడువు పెంపు

2020-21 ఆర్థిక సంవత్సరానికి ఫారం 15జీ, 15హెచ్‌ల సమర్పణ విషయంలో ఆదాయపు పన్ను శాఖ ఊరట కల్పించింది. జూన్ 30వ తేదీ తర్వాత నుండి వీటిని సమర్పించేందుకు అనుమతిస్తూ వెసులుబాటు కల్పించింది. వడ్డీ ఆదాయంపై TDS మినహాయింపు కోరేవారు జూన్ 30 తర్వాత ప్రస్తుత ఆర్థిక సంవత్సరానికి సంబంధించిన ఫారం 15జీ, 15హెచ్‌లను ఐటీ శాఖ అనుమతిచ్చింది.

కరోనా మహమ్మారి వ్యాప్తిని నిరోధించేందుకు లాక్ డౌన్ ఉంది. ఈ పరిస్థితుల్లో ఈ నిర్ణయం తీసుకుంది ఐటీ శాఖ. పన్ను విధింపు పరిమితి కంటే తక్కువ ఆదాయం ఉన్న వ్యక్తులు ఫారం 15జీ, 15 హెచ్‌లను సమర్పించడం ద్వారా వడ్డీ ఆదాయంపై TDS (మూలం వద్ద పన్ను) విధించకుండా మినహాయింపు కోరుతారు. ఈ ఫారాలను పన్ను చెల్లింపుదారులు తమ బ్యాంకులు లేదా ఫైనాన్షియల్ ఇనిస్టిట్యూషన్లకు ఏప్రిల్‌లో సమర్పించాలి.

వయోవృద్ధులు ఫారం హెచ్‌ను, పన్ను పరిధిలోకి వచ్చేంద ఆదాయం లేని వ్యక్తులు ఫారం 15జీని దాఖలు చేస్తారు. ఇప్పుడు దీనిని జూన్ 30వ తేదీ తర్వాత నుండి కూడా దాఖలు చేసేందుకు వెసులుబాటు కల్పించారు. 2019-20 సంవత్సరానికి సమర్పించిన ఫారం 15జీ, ఫారం 15హెచ్‌లు జూన్ 30 వరకు ప్రస్తుత ఆర్థిక సంవత్సరానికి వర్తిస్తాయి.