Crypto price: 45,000 డాలర్లు దాటిన బిట్ కాయిన్, ఎథేరియం అదుర్స్

క్రిప్టో కరెన్సీ నేటి సెషన్‌లో పరుగు పెడుతోంది. ప్రపంచ అతిపెద్ద క్రిప్టో బిట్ కాయిన్ నేడు ఓ సమయంలో 45,000 డాలర్ల మార్కును దాటింది. ఈ వార్త రాసే సమయానికి స్వల్పంగా క్షీణించినప్పటికీ 45,000 డాలర్ల వద్దే కదలాడుతోంది. రెండో అతిపెద్ద క్రిప్టో ఎథేరియం 3000 డాలర్లు దాటింది. మీమ్ కాయిన్స్ డోజీకాయిన్ స్వల్పంగా నష్టాల్లో ట్రేడ్ అవుతుండగా, షిబా ఇను స్వల్ప లాభాల్లో ఉంది. గత ఇరవై నాలుగు గంటల్లో బిట్ కాయిన్ 2.56 శాతం, ఎథేరియం 2.34 శాతం రిటర్న్స్ ఇచ్చింది.

క్రిప్టో కింగ్ బిట్ కాయిన్ ఈ వార్త రాసే సమయానికి 44,709.36 డాలర్ల వద్ద ట్రేడ్ అయింది. గత ఇరవై నాలుగు గంటల్లో కనిష్టం 43,620.84 డాలర్లు కాగా, గరిష్టం 45,110.88 డాలర్లు. బిట్ కాయిన్ మార్కెట్ క్యాప్ గత ఇరవై నాలుగు గంటల్లో 848.78 బిలియన్ డాలర్లకు పెరిగింది. 52 వారాల కనిష్టం 28,825.76 డాలర్లు కాగా, ఆల్ టైమ్ గరిష్టం 68,990.90 డాలర్లు. 52 వారాల గరిష్టం కూడా 68,990.90 డాలర్లే.

వివిధ క్రిప్టో కరెన్సీ వ్యాల్యూ విషయానికి వస్తే బిట్ కాయిన్ 2.37 శాతం లాభపడి 44,677 డాలర్లు, ఎథేరియం 1.91 శాతం ఎగిసి 3,153 డాలర్లు, టెర్రా 0.67 శాతం లాభపడి 93.42 డాలర్లు, సోలానా 1.00 శాతం ఎగిసి 101.62 డాలర్లు, స్టెల్లార్ 1.26 శాతం లాభపడి 0.216214 డాలర్లు, యాక్సీ ఇన్ఫినిటీ 5.95 శాతం లాభపడి 71.02 డాలర్ల వద్ద ట్రేడ్ అయింది. ఎక్స్‌ఆర్‌పీ 0.10 శాతం క్షీణించి 0.8382 డాలర్ల వద్ద, కార్డానో 4.49 శాతం తగ్గి 1.12 డాలర్ల వద్ద, అవాలాంచె 1.39 శాతం క్షీణించి 85.52 డాలర్ల వద్ద, పోల్కాడాట్ 0.48 శాతం క్షీణించి 20.93 డాలర్ల వద్ద, డోజీకాయిన్ 0.75 శాతం క్షీణించి 0.134465 డాలర్ల వద్ద ట్రేడ్ అయింది. షిబా ఇను 0.51 శాతం ఎగిసి 0.000025 డాలర్ల వద్ద ట్రేడ్ అయింది.