43,000 డాలర్లు క్రాస్ చేసి, మళ్లీ పడిపోయిన బిట్ కాయిన్

క్రిప్టో కరెన్సీ మార్కెట్ దాదాపు స్థిరంగా ఉంది. గత ఇరవై నాలుగు గంటల్లో ఓ సమయంలో 43,000 డాలర్లు దాటినప్పటికీ ఆ తర్వాత స్వల్పంగా క్షీణించింది. అయితే క్రిప్టో మార్కెట్ మాత్రం గత ఇరవై నాలుగు గంటల్లో మాత్రం క్షీణించింది. క్రిప్టో దిగ్గజాలు బిట్ కాయిన్, ఎథేరియం నష్టపోగా, మీమ్ కాయిన్స్ డోజీకాయిన్, షిబా ఇను కూడా నష్టాల్లోనే ట్రేడ్ అవుతున్నాయి.

బిట్ కాయిన్ నేటి సెషన్‌లో 1.22 శాతం క్షీణించి 42,325 డాలర్ల వద్ద ట్రేడ్ అయింది. గత ఇరవై నాలుగు గంటల్లో 41,803 డాలర్ల వద్ద కనిష్టాన్ని, 42,881 డాలర్ల వద్ద కనిష్టాన్ని తాకింది. గత ఇరవై నాలుగు గంటల్లో 803.81 బిలియన్ డాలర్ల మార్కెట్ క్యాప్ క్షీణించింది. బిట్ కాయిన్ ఆల్ టైమ్ గరిష్టం 68,990.90 డాలర్లు. 52 వారాల కనిష్టం 28,825.76 డాలర్లు.

వివిధ క్రిప్టో కరెన్సీ వ్యాల్యూ విషయానికి వస్తే బిట్ కాయిన్ 1.23 శాతం క్షీణించి 42.325 డాలర్లు, ఎథేరియం 0.33 శాతం క్షీణించి 2999 డాలర్లు, ఎక్స్‌ఆర్‌పీ 1.34 శాతం క్షీణించి 0.834 డాలర్లు, అవాలాంచె 1.03 శాతం క్షీణించి 85.72 డాలర్లు, డోజీకాయిన్ 0.51 శాతం నష్టపోయి 0.1234 డాలర్ల వద్ద ట్రేడ్ అయ్యాయి. టెర్రా 2.71 శాతం ఎగిసి 95.70 డాలర్లు, సోలానా 1.74 శాతం లాభపడి 94.65 డాలర్లు, కార్డానో 10.64 శాతం ఎగిసి 1.08 డాలర్లు, పోల్కాడాట్ 3.37 శాతం ఎగిసి 20.74 డాలర్ల వద్ద ట్రేడ్ అయ్యాయి.