క్రిప్టో కరెన్సీ మార్కెట్ వ్యాల్యూ పతనం, బిట్ కాయిన్, ఎథేరియం డౌన్
క్రిప్టో కరెన్సీ మార్కెట్ రోజురోజుకు పతనమవుతోంది. క్రిప్టో దిగ్గజాలు బిట్ కాయిన్, ఎథేరియంసహా వివిధ క్రిప్టోలు నేడు కూడా భారీగా క్షీణించాయి. గ్లోబల్ క్రిప్టో మార్కెట్ క్యాపిటలైజేషన్ గత ఇరవై నాలుగు గంటల్లో 2.16 శాతం క్షీణించి 2.21 ట్రిలియన్ డాలర్లకు తగ్గింది. క్రిప్టో దిగ్గజం బిట్ కాయిన్ వ్యాల్యూ ఉదయం 47,743 డాలర్ల వద్ద ట్రేడ్ అయింది. అయితే నేడు ఈ వార్త రాసే సమయానికి దాదాపు మరో 3 శాతం మేర క్షీణించి 46,226 డాలర్లకు పడిపోయింది.
నేటి ఉదయం సమయంలో మార్కెట్లో బిట్ కాయిన్ వాటా 40.77 శాతంగా ఉంది. క్రిప్టో కరెన్సీ ట్రేడింగ్ వ్యాల్యూమ్ 89.44 బిలియన్ డాలర్లుగా ఉంది. 22.92 శాతం క్షీణించింది. నేటి ఉదయం సెషన్లో భారత కరెన్సీలో వివిధ క్రిప్టోల వ్యాల్యూ ఇలా ఉంది.
బిట్ కాయిన్ రూ.38,13,924 (1.6 శాతం క్షీణత), ఎథేరియం రూ.3,17,117 0.53 శాతం క్షీణత, కార్డానో రూ.99.97 (3.2 శాతం క్షీణత), టెథేర్ రూ.80.4 (0.91 శాతం వృద్ధి), సోలానా రూ.14,294 (1.5 శాతం వృద్ధి), లైట్ కాయిన్ రూ.11900 (2.31 శాతం క్షీణత), ఎక్స్పీఆర్ రూ.64.80 (1.54 శాతం క్షీణత)తో ఉన్నాయి.