For Quick Alerts
ALLOW NOTIFICATIONS  
For Daily Alerts

కరోనా వైరస్: వాళ్లకు మనకు తేడా అదే... అందుకే అక్కడ అధిక మరణాలా?

|

ప్రస్తుతం ప్రపంచం మొత్తాన్ని వణికిస్తున్న భయంకరమైన కరోనా వైరస్.... అభివృద్ధి చెందిన దేశాలపై అధిక ప్రభావం చూపుతోంది. ఆధునిక యుగంలో తొలితరం పారిశ్రామిక విప్లవానికి కేంద్రమైన యూరోప్ ప్రాంతంలో దీని ప్రభావం తీవ్రంగా ఉంది. ప్రపంచ పెద్దన్న అమెరికా లో సైతం కరోనా కోరలు చాస్తుండటంతో ఆ దేశాన్నే కాకుండా మొత్తం ప్రపంచాన్నే ఆందోళనకు గురిచేస్తోంది. ఎందుకంటే, ప్రపంచంలోని 90% దేశాలకు అమెరికానే అతిపెద్ద మార్కెట్. అది సుభిక్షంగా ఉంటేనే మిగితా దేశాలు కూడా హ్యాపీగా ఉంటాయి. అదే అమెరికా కు ఏదైనా సమస్య తలెత్తితే దాని ప్రభావం అందరిపైనా పడుతుంది. అందుకే అమెరికా తుమ్మితే ప్రపంచానికి జలుబు చేస్తుంది అనే సామెత పుట్టుకొచ్చింది.

ప్రస్తుతం మాయదారి కరోనా వైరస్ దెబ్బకు పెద్దన్న అమెరికా విలవిలలాడుతోంది. ఇప్పటికే 2,000 మంది ప్రజలు చనిపోయారు. మరో 1 లక్ష మందికి ఈ వైరస్ సోకి ఆస్పత్రుల్లో చికిత్స పొందుతున్నారు. యుద్ధం కాకుండా ఈ మధ్య కాలంలో అమెరికా లో అతి తక్కువ సమయంలో అతి ఎక్కువ మరణాలు నమోదు అయ్యింది కేవలం ఇప్పుడే కావటం గమనార్హం. అమెరికా కానీ, యూరోపియన్ దేశాలు కానీ అత్యంత అభివృద్ధి చెందిన దేశాలు. వాటి వద్ద తగినంత మంది డాక్టర్లు, హాస్పిటల్స్, ఇతర సదుపాయాలు ఉన్నాయి. కానీ, ఇండియాలో ఆ పరిస్థితి లేదు.

టైమ్ వేస్ట్ వద్దు: దిగ్గజ జనరల్ మోటార్స్‌పై ట్రంప్ అసహనం, ఎందుకంటే

వృద్ధుల సంఖ్య అధికం...

వృద్ధుల సంఖ్య అధికం...

యూరోపియన్ దేశాల్లో ప్రస్తుతం మృత్యు ఘంటలు మోగుతున్నాయి. కరోనా వైరస్ దెబ్బకు అన్ని దేశాలు చిగురుటాకులా వణుకుతున్నాయి. ఒక్క ఇటలీ లోనే ఇప్పటి వరకు సుమారు 10,000 మంది ప్రజలు మరణించారు అంటే పరిస్థితి ఎంత తీవ్రంగా ఉందొ అర్థం చేసుకోవచ్చు. కరోనా వైరస్ కు పుట్టినిల్లు అయిన చైనా లో కూడా ఇంత స్థాయిలో మరణాలు సంభవించలేదు. చైనాలో ఈ మహమ్మారి బారిన పడి కేవలం 3,200 మంది మాత్రమే ప్రాణాలు కోల్పోయారు. మరో 80,000 మంది ఆస్పత్రుల్లో చికిత్స పొందుతున్నారు. స్పెయిన్, బ్రిటన్, జర్మనీ సహా అన్ని యూరోపియన్ దేశాల్లో ఎంత గొప్ప సదుపాయాలు ఉన్నా... ఒక కామన్ ఫాక్టర్ వాటిని ఇబ్బందికి గురిచేస్తోంది. అదే వృద్ధాప్యం. ఇక్కడ ప్రతి 100 మందిలో 30 మంది వృద్ధులే ఉన్నారు. 65 ఏళ్ళు పైబడిన వారిని యూరోప్ లో వృద్ధులుగా పరిగణిస్తారు. కరోనా వైరస్ 60 ఏళ్ళ పైబడిన వయసున్న వారికి సోకితే ప్రాణాంతకంగా మారుతోంది. అదే ఇప్పుడు వారి పాలిట శాపంగా మారుతోంది. అమెరికా అయినా... యూరోప్ దేశాల్లో అయినా చలి తీవ్రత అధికంగా ఉంటోంది. అక్కడ గరిష్ట ఉషోగ్రత కేవలం 25 డిగ్రీలు మాత్రమే. వాతావరణంలో హ్యూమిడిటీ శాతం కూడా అధికంగా ఉంటుంది. ఏదైనా వైరస్ వ్యాప్తికి హ్యూమిడిటీ చోదకంగా పనిచేస్తుంది. అందుకే, అక్కడ మరణాల రేటు అధికంగా ఉంటున్నట్లు విశ్లేషకులు పేర్కొంటున్నారు. మరో వైపు ఆయా దేశాల్లో న్యూమోనియా వ్యాధితో బాధపడే వృద్ధుల సంఖ్య కూడా అధికం.

ఇటలీ లో 6,000 మంది కి ఒక మరణం...

ఇటలీ లో 6,000 మంది కి ఒక మరణం...

ఇటలీ సహా యూరోపియన్ దేశాల్లో ప్రతి 1,000 మందికి 3 హాస్పిటల్ బెడ్లు, 1 డాక్టర్ అందుబాటులో ఉన్నారు. అదే అమెరికా లో ఈ సంఖ్య కాస్త తక్కువ అయినా... ప్రతి 1,000 మందికి 2.5 బెడ్లు, అదే స్థాయిలో డాక్టర్లు అందుబాటులో ఉన్నారు. కానీ, ఇండియా లో మాత్రం ప్రతి 1,200 నుంచి 1,300 మందికి ఒక ఆస్పత్రి బెడ్డు, ప్రతి 1,500 మందికి ఒక్క డాక్టర్ మాత్రమే అందుబాటులో ఉన్నారు. ఈ పరిస్థితిలో ఇండియాలో గనుక తీవ్రత పెరిగితే ఎంత కష్టమో ఒక సారి ఆలోచించాలి. ఇదిలా ఉండగా... ప్రస్తుతం కరోనా వైరస్ ధాటికి ఇటలీ లో ప్రతి 6,000 మందికి ఒకరు మృత్యువాత పడుతున్నారు. ఇది అత్యంత సంక్షోభ సమయం. అదే అమెరికా లో ఐతే ప్రతి 1,50,000 మందికి ఒకరు కరోనా వైరస్ తో మరణిస్తున్నారు. అదృష్టం కొద్దీ మన ఇండియా లో మాత్రం 6.7 కోట్ల మందిలో ఒక్కరు మాత్రమే ఈ మహమ్మారి దెబ్బకు మరణించారు.

ఇండియాలో మొత్తం డాక్టర్లు 12 లక్షలు...

ఇండియాలో మొత్తం డాక్టర్లు 12 లక్షలు...

ప్రపంచం మొత్తం కరోనా వైరస్ దెబ్బకు అతలాకుతలం అవుతుంటే... భారత్ మాత్రం కాస్త మెరుగ్గా ఉంది. మొత్తం దేశాన్ని 21 రోజుల పాటు లాక్ డౌన్ చేయటం వల్ల మన ప్రభుత్వాలు దీనిని కట్టడి చేసేందుకు పటిష్టమైన నిర్ణయాలు తీసుకుంటున్నాయి. అందుకే, మన దగ్గర తీవ్రత అదుపులోనే ఉందని చెప్పవచ్చు. లేదంటే, ఇండియా మొత్తంలో చూస్తే కేవలం 12 లక్షల మంది డాక్టర్లు మాత్రమే ఉన్నారు. 135 కోట్ల మందికి కేవలం 12 లక్షల మంది వైద్యులు తమ సేవలు అందించడం ఎంత కష్టమో ఆలోచించాలి. అదే కేవలం 30 కోట్ల జనాభా కలిగిన అమెరికా లో కూడా 11 లక్షల కంటే ఎక్కువ మంది డాక్టర్లు ఉండటం గమనార్హం. మరోవైపు ఇండియా లో వృద్ధుల సంఖ్య మొత్తం జనాభాలో కేవలం 10% గా ఉంది. 2026 నాటికి ఇది 12% నికి పెరుగుతుందని అంచనా వేస్తున్నారు. మరో వైపు మన వద్ద ప్రస్తుతం వేడి వాతారణం ఉండటం కూడా వైరస్ వ్యాప్తి చెందకుండా ఉండేందుకు దోహదపడుతోంది శాస్త్రవేత్తలు అభిప్రాయపడుతున్నారు. అలాగే, మన ఆహారపు అలవాట్లలో అల్లం, వెల్లుల్లి, పసుపు, శొంఠి, మిరియాలు వంటి యాంటీ వైరల్ పదార్థాలు అధికంగా ఉండటం కూడా మనల్ని కాపాడుతున్నాయని పేర్కొంటున్నారు.

English summary

Coronavirus: Why more deaths in European nations?

High rate of old age in European nations along with less temperatures and high humidity leading to high mortality rate there. Despite the European nations having very good hospitals and other infrastructure, they have about 30% of their total population is old which is a cause of concern for them. While for every 6,000 people, one death is reported in Italy, it is 1,50,000 in the USA and 6,70,00,000 in India.
Story first published: Sunday, March 29, 2020, 20:55 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more