సన్నగిల్లుతున్న కన్స్యూమర్ కాన్ఫిడెన్స్: ఆర్బీఐ సర్వే

కరోనా మహమ్మారి నేపథ్యంలో వినియోగదారుల విశ్వాసం దారుణంగా పడిపోయిందని, 2020-21 ఆర్థిక సంవత్సరంలో ఇది 1.5 శాతం మేర తగ్గే అవకాశముందని ఆర్బీఐ సర్వే వెల్లడించింది. మే 2020లో కన్స్యూమర్ కాన్ఫిడెన్స్ భారీగా పడిపోయినట్లు ఈ సర్వే నివేదిక వెల్లడిస్తోంది. ఫ్యూచర్ ఎక్స్పెక్టేషన్స్ ఇండెక్స్ కూడా రికార్డ్ స్థాయికి పడిపోయింది. నిరాశవాదజోన్లోకి ప్రవేశించినట్లు ఆర్బీఐ నివేదిక వెల్లడించింది.

ప్రస్తుత ఆర్థిక సంవత్సరంలో జీడీపీ 1.5 శాతం తగ్గే అవకాశముందని, కానీ ఆ తర్వాత వచ్చే ఆర్థిక సంవత్సరం మెరుగుపడుతుందని ఆర్బీఐ తెలిపింది. రియల్ గ్రాస్ డొమెస్టిక్ ప్రోడక్ట్ కూడా 1.5 శాతం పడిపోయే అవకాశముందని పేర్కొంది. వచ్చే ఏడాది మాత్రం 7.2 శాతానికి చేరుకోవచ్చునని అంచనా వేసింది.

రియల్ ప్రయివేటు ఫైనల్ కన్సంప్షన్ ఎక్స్పెండిచర్ 2020-21 ఆర్థిక సంవత్సరానికి 0.5 శాతం తగ్గుతుందని అంచనా వేసింది. అదే సమయంలో వచ్చే ఏడాది ఇది 6.9 శాతంగా ఉంటుందని భావిస్తోంది. రియల్ గ్రాస్ ఫిక్స్డ్ క్యాపిటల్ ఫార్మేషన్ 6.4 శాతంగా ఉంటుందని, ఆ మరుసటి ఏడాది (2021-22) 5.6 శాతంగా ఉండవచ్చునని తెలిపింది. రియల్ గ్రాస్ వ్యాల్యూ యాడెడ్ 1.7 శాతం కుదించుకుపోవచ్చునని తెలిపింది.