సెప్టెంబర్ నాటికి రూ.8.5 లక్షల కోట్ల అప్పులు, FY23లో 60 శాతం

కొత్త ఆర్థిక సంవత్సరం 2022-23లో పెద్ద ఎత్తున రుణాల సేకరణకు కేంద్ర ప్రభుత్వం సిద్ధమైంది. ప్రస్తుత ఆర్థిక సంవత్సరానికి సంబంధించి 14.31 ట్రిలియన్ రూపాయల రుణ అంచనాల్లో ఏప్రిల్-సెప్టెంబర్ కాలంలోనే 8.45 ట్రిలియన్ డాలర్లు తీసుకోవాలని ప్రభుత్వం భావిస్తోంది. రుణ పత్రాల విక్రయం ద్వారా సెప్టెంబర్‌లో ఈ మొత్తాన్ని సేకరించనుంది.

ప్రస్తుత ఆర్థిక సంవత్సరం రూ.14.31 లక్షల కోట్లకు రూ.8.45 లక్షల కోట్ల రుణాలు అంటే ఇది 60 శాతం. ఖర్చులు పెంచడం ద్వారా ఆర్థిక వ్యవస్థను గాడిలో పెట్టడానికి ఈ రుణ సేకరణ తోడ్పడుతుందని ఆర్థికమంత్రిత్వ శాఖ పేర్కొంది. ప్రతివారం రూ.32,000 కోట్ల నుండి రూ.33,000 కోట్ల చొప్పున 26 వారాల్లో ఈ మొత్తాన్ని సేకరిస్తారు.

భారత విదేశీ రుణ భారం గత ఏడాది డిసెంబర్‌తో ముగిసిన మూడు నెలల కాలంలో 11.5 బిలియన్ డాలర్లకు పెరిగి 614.9 బిలియన్ డాలర్లకు చేరినట్లు ఆర్థికమంత్రిత్వ శాఖ తెలిపింది. వాణిజ్య బ్యాంకులు, ప్రభుత్వాలు, అంతర్జాతీయ ఆర్థిక సంస్థలు తదితర విదేశీ రుణదాతల నుండి ఈ రుణాలను పొందారు. ఇదిలా ఉండగా, దేశీయ కరెంట్ ఖాతా లోటు డిసెంబర్‌తో ముగిసిన త్రైమాసికంలో 23 బిలియన్ డాలర్లకు చేరుకుంది. జీడీపీలో 2.7 శాతానికి పెరిగిందని ఆర్బీఐ తెలిపింది.