BSNL నుండి సరికొత్త ఆఫర్లు. రూ.135 వోచర్ తీసుకుంటే..

ప్రభుత్వరంగ టెలికం సంస్థ భారత్ సంచార్ నిగమ్ లిమిటెడ్ (BSNL) తన కస్టమర్లకు ప్రత్యేక టారిఫ్ ఓచర్‌ను అందుబాటులోకి తెచ్చింది. ఈ కొత్త ఆఫర్ ద్వారా రూ.135 వోచర్‌ను తీసుకున్న వారు 1440 నిమిషాల పాటు ఏ నెట్ వర్క్ వినియోగదారులతో అయినా మాట్లాడుకునే అవకాశం కల్పించింది.

గతంలో ఈ ఆఫర్ 300 నిమిషాలకు పరిమితమై ఉండేది. ఇప్పుడు కొత్త టారిఫ్ వచర్ 24 రోజుల వ్యాలిడిటీతో అదనపు ప్రయోజనాలు కల్పిస్తోంది. ఈ మేరకు బీఎస్ఎన్ఎల్ ప్రకటన విడుదల చేసింది. ఈ వాయిస్ కాలింగ్ ప్రయోజనాలు ఆఫ్-నెట్, ఆన్-నెట్.. రెండింటిలోను ఉంటాయి. అంటే లోకల్, ఎస్టీడీ, రోమింగ్ కాల్స్ ఏ నెట్ వర్క్‌కు అయినా చేయవచ్చు.

అక్టోబర్ 22వ తేదీలోగా రూ.160తో రీఛార్జ్ చేసుకున్న వారికి అంతే మొత్తాన్ని మూడు రోజుల పాటు వినియోగించుకునే సరికొత్త అవకాశాన్ని కస్టమర్లకు అందిస్తోంది. అలాగే, ఫెస్టివెల్ సీజన్ సందర్భంగా సెలెక్ట్ ప్లాన్ వోచర్స్ (PV), స్పెషల్ టారిఫ్ వోచర్స్ (STV) పైన బీఎస్ఎన్ఎల్ అధనపు వ్యాలిడిటీ ఇస్తోంది. ఈ ప్లాన్స్ రూ.147, రూ.247, రూ.699, రూ.999 ఉండగా వరుసగా 5 రోజులు, 10 రోజులు, 20 రోజులు, 60 రోజులకు పొడిగించింది.