నష్టాల్లో క్రిప్టో మార్కెట్, బిట్ కాయిన్ 39,000 డాలర్లకు దిగువనే
క్రిప్టో కరెన్సీ క్షీణిస్తోంది. రష్యా-ఉక్రెయిన్ యుద్ధం నేపథ్యంలో ఇన్వెస్టర్లు సురక్షిత పెట్టుబడిగా భావించే పసిడి వైపు చూస్తున్నారు. యుద్ధం ప్రభావం స్టాక్ మార్కెట్, క్రిప్టో మార్కెట్ పైన పడుతోంది. నేడు కనిష్టాల వద్ద కొనుగోళ్ల మద్దతుతో మార్కెట్ కాస్త లాభపడింది. క్రిప్టో మార్కెట్ మాత్రం తీవ్ర ఊగిసలాటలో ఉంది.
క్రిప్టో దిగ్గజం బిట్ కాయిన్ నేడు 38,905 డాలర్ల వద్ద ట్రేడ్ అవుతోంది. గత 24 గంటల్లో బిట్ కాయిన్ 37,179 డాలర్ల వద్ద కనిష్టాన్ని, 24 గంటల్లో 39,545 డాలర్ల వద్ద గరిష్టాన్ని తాకింది. ఇరవై నాలుగు గంటల్లో 0.68 శాతం క్షీణించింది. మార్కెట్ క్యాప్ 737.52 బిలియన్ డాలర్లు పెరిగింది. బిట్ కాయిన్ 24 గంటల కనిష్టం $28,825.76 డాలర్లు, గరిష్టం 68,990.90 డాలర్లు.
వివిధ క్రిప్టో కరెన్సీ వ్యాల్యూ విషయానికి వస్తే బిట్ కాయిన్ 0.40 శాతం క్షీణించి 38,864 డాలర్లు, ఎతేరియం 1.14 శాతం క్షీణించి 2586 డాలర్లు, ఎక్స్ఆర్పీ 3.31 శాతం తగ్గి 0.725 డాలర్లు, టెర్రా 2.71 శాతం క్షీణించి 80.67 డాలర్లు, సోలానా 1.61 శాతం క్షీణించి 84.03 డాలర్లు, అవాలాంచె 4.68 శాతం క్షీణించి 73.96 డాలర్లు, కార్డానో 4.07 శాతం క్షీణించి 0.80 డాలర్లు, పోల్కాడాట్ 0.78 శాతం క్షీణించి 16.80 డాలర్లు, స్టెల్లార్ 2.96 శాతం క్షీణించి 0.1726 డాలర్లు, డోజీకాయిన్ 2.49 శాతం క్షీణించి 0.118828 డాలర్లు, షిబా ఇను 2.16 శాతం క్షీణించి 0.000023 డాలర్ల వద్ద ట్రేడ్ అయింది.