దుమ్మురేపిన ఎథేరియం, డోజీకాయిన్: 24 గంటల్లో 44,000 డాలర్లు దాటిన బిట్ కాయిన్
క్రిప్టో కరెన్సీ ఇటీవల భారీగా పుంజుకుంది. గత ఇరవై నాలుగు గంటల్లోనే వివిధ క్రిప్టోలు పది శాతానికి పైగా లాభపడ్డాయి. క్రిప్టో దిగ్గజం బిట్ కాయిన్ 24 గంటల క్రితం సెషన్లో 39,000 డాలర్ల వద్ద ఉంది. కానీ ఈ ఇరవై నాలుగు గంటల్లోనే ఏకంగా దాదాపు 6,000 డాలర్లు లాభపడటం గమనార్హం. రష్యా-ఉక్రెయిన్ చర్చలు, అమెరికా సహా వివిధ దేశాలు రష్యాపై ఆంక్షలు వంటి అంశాలు ప్రభావం చూపాయి. దీంతో క్రిప్టో మార్కెట్ గత కొద్ది గంటల్లోనే పరుగులు పెట్టింది.
అంతర్జాతీయ అతిపెద్ద క్రిప్టో బిట్ కాయిన్ ఈ వార్త రాసే సమయానికి 44,290 డాలర్ల వద్ద ట్రేడ్ అయింది. గత ఇరవై నాలుగు గంటల్లో గరిష్టం 44,953 డాలర్లు, కనిష్టం 39,209 డాలర్ల వద్ద తాకింది. మార్కెట్ క్యాప్ ఇరవై నాలుగు గంటల్లో 840 బిలియన్ డాలర్లు పెరిగింది. బిట్ కాయిన్ ఆల్ టైమ్ గరిష్టం లేదా 52 వారాల గరిష్టం 68,990.90 డాలర్లు, 52 వారాల కనిష్టం 28,825.76 డాలర్లు.
వివిధ క్రిప్టో కరెన్సీ వ్యాల్యూ విషయానికి వస్తే బిట్ కాయిన్ 12.67 శాతం ఎగిసి 44,222 డాలర్ల వద్ద, ఎథేరియం 10.80 శాతం ఎగిసి 3002 డాలర్ల వద్ద, ఎక్స్ఆర్పీ 6.37 శాతం ఎగిసి 0.78 డాలర్ల వద్ద, టెర్రా 18.73 డాలర్లు ఎగిసి 89.95 డాలర్ల వద్ద, సోలానా 7.71 శాతం ఎగిసి 99.57 డాలర్ల వద్ద, అవాలాంచె 13.98 శాతం ఎగిసి 88.44 డాలర్ల వద్ద, కార్డానో 9.49 శాతం ఎగిసి 0.98 డాలర్ల వద్ద, పోల్కాడాట్ 11.08 శాతం ఎగిసి 19.05 డాలర్ల వద్ద, స్టెల్లార్ 7.13 శాతం ఎగిసి 0.198 డాలర్ల వద్ద, డోజీకాయిన్ 8.04 శాతం ఎగిసి 0.135 డాలర్ల వద్ద, పోలీగాన్ 8.14 శాతం ఎగిసి 1.62 డాలర్ల వద్ద, షిబా ఇను 12.49 శాతం ఎగిసి 0.000027 డాలర్ల వద్ద ట్రేడ్ అయ్యాయి.