Multibagger Stock: లక్షను రూ.35 లక్షలు చేసిన మల్టీబ్యాగర్ స్టాక్..

స్టాక్ మార్కెట్ లో పెట్టుబడి పెట్టి లాభాలను ఆర్జించాలంటే.. కచ్చితంగా మార్కెట్ పై అవగాహన ఉండాలి. అలాగే మల్టీ బ్యాగర్ స్టాక్ లను గుర్తించే నైపుణ్యం ఉండాలి. అయితే ప్రస్తుతం చాలానే మల్టీ బ్యాగర్ స్టాక్ లు ఉన్నాయి. అందులో బజాజ్ ఫిన్ సర్వ్ ఒకటి. ఈ స్టాక్ త్వరలో స్ల్పిట్ కాబోతుంది. సెప్టెంబర్ 13ని ఈ స్టాక్ 5:1 గా స్ల్పిట్ అవ్వనుంది.

బోనస్

అంతే కాకుండా 1:1 బోనస్ షేర్స్ కూడా ప్రకటించబోతుంది. బజాజ్ గ్రూప్ నిర్ణయంతో దీర్ఘకాలిక వాటాదారులకు సహాయం చేయబోతోంది. ఎందుకంటే వారి షేర్ హోల్డింగ్ సమీప కాలంలో 10 రెట్లు పెరుగుతుంది. ఈ నెలలో బజాజ్ ఫిన్‌సర్వ్ బోనస్ షేర్లు, స్టాక్ స్ప్లిట్ కారణంగా, 12 సంవత్సరాల క్రితం పెట్టుబడి పెట్టిన రూ.1 లక్ష పెట్టుబడిదారులు బోనస్ షేర్లు, స్టాక్ స్ప్లిట్ జారీ చేసిన తర్వాత రూ.35 లక్షలు అవ్వనున్నాయి.

2000 షేర్లు

సుమారు 12 సంవత్సరాల క్రితం, బజాజ్ ఫిన్‌సర్వ్ షేర్ ధర దాదాపు రూ.500గా ఉంది. ఒక పెట్టుబడిదారుడు 10 సంవత్సరాల క్రితం బజాజ్ ఫిన్‌సర్వ్‌లో రూ.1 లక్ష పెట్టుబడి పెడితే 200 బజాజ్ ఫిన్‌సర్వ్ షేర్‌లను పొంది ఉండేవారు. ఇప్పుడు, 5:1 స్టాక్ స్ప్లిట్ 1:1 బోనస్ షేర్ ఇష్యూ తర్వాత, షేర్ హోల్డర్ షేర్లు 2000 అవుతాయి.

200 శాతం

బోనస్ షేర్ ఇష్యూ, స్టాక్ స్ప్లిట్ తర్వాత బజాజ్ ఫిన్‌సర్వ్ షేర్ ధర రూ.1,733 (₹17,330/10)కి తగ్గుతుంది. షేర్‌హోల్డర్ నికర విలువ 34.66 లక్షలు అవుతుంది. గత 5 సంవత్సరాలలో, బజాజ్ ఫిన్‌సర్వ్ తన షేర్‌హోల్డర్‌లకు 200 శాతం కంటే ఎక్కువ రాబడిని అందించింది. గత 10 సంవత్సరాలలో, దాదాపు రూ.500 నుంచి రూ.17,330 వరకు పెరిగింది.

NOte: ఈ వార్త కేవలం సమాచారం కోసం మాత్రమే ఇచ్చాం. స్టాక్ మార్కెట్ లో పెట్టుబడి రిస్క్ తో కూడుకున్నది.