Anil Ambani: NCLTలో అప్పీల్ దాఖలు చేసిన అనిల్ అంబానీ.. ఎందుకంటే..?

Reliance Capital: అనిల్ అంబానీ తన కంపెనీల రుణాలను చెల్లించేందుకు ప్రయత్నాలు ముమ్మరం చేశారు. దీంతో చాలా కాలంగా బ్యాడ్ డేస్ చూసిన ఒకప్పటి బిలియనీర్ అనిల్ తిరిగి తన కుమారుల అండతో తిరిగి పుంజుకుంటున్నారు.

అనిల్ ధీరూభాయ్ అంబానీ వెంచర్స్ ప్రైవేట్ లిమిటెడ్(ADAVPL) రిలయన్స్ క్యాపిటల్ విజయవంతమైన రిజల్యూషన్ దరఖాస్తుదారు IIHLకి రిజల్యూషన్ ప్లాన్ ఖరారైన వెంటనే 'రిలయన్స్' బ్రాండ్ పేరును ఉపయోగించడం ఆపివేయాలని కోరింది. ఈ విషయమై రిలయన్స్‌ గ్రూప్‌ కంపెనీ అనిల్‌ ధీరూభాయ్‌ అంబానీ వెంచర్స్‌ ప్రైవేట్‌ లిమిటెడ్‌ నేషనల్‌ కంపెనీ లా ట్రిబ్యునల్‌‌లో మధ్యంతర పిటిషన్‌ దాఖలు చేసింది.

NCLT ఫిబ్రవరి 27న IIHL రిజల్యూషన్ ప్లాన్‌ను ఆమోదించేటప్పుడు ప్లాన్ ఆమోదం పొందిన తేదీ నుంచి 3 ఏళ్ల పాటు రిలయన్స్ బ్రాండ్‌ను ఉపయోగించడానికి అనుమతిని ఇచ్చింది. అనిల్ ధీరూభాయ్ అంబానీ వెంచర్స్ ప్రైవేట్ లిమిటెడ్ తన పిటిషన్‌లో బ్రాండ్ ఒప్పందం రిలయన్స్ క్యాపిటల్‌కి అనుకూలంగా బ్రాండ్‌లో ఎటువంటి హక్కులను అందించలేదని, కానీ దాని వినియోగాన్ని మాత్రమే అనుమతిస్తుందని వాదించింది. ఈ పరిస్థితిని దృష్టిలో ఉంచుకుని దివాలా కోడ్‌లోని సెక్షన్ 18లో ఉపయోగించిన పదం అర్థంలో బ్రాండ్ RCap ఆస్తి కాదని పేర్కొంది.

ఈ క్రమంలో అనిల్ ధీరూభాయ్ అంబానీ వెంచర్స్ ప్రైవేట్ లిమిటెడ్ రిజల్యూషన్ ప్లాన్ అమలు చేసిన వెంటనే IIHL ద్వారా బ్రాండ్ వినియోగాన్ని నిలిపివేయాలని అభ్యర్థించింది. అనిల్ ధీరూభాయ్ అంబానీ వెంచర్స్ ప్రైవేట్ లిమిటెడ్, రిలయన్స్ క్యాపిటల్ బ్రాండ్ లైసెన్సింగ్ ఒప్పందంపై ఏప్రిల్ 1, 2024న సంతకం చేశాయి. ఈ ఒప్పందం ప్రకారం అనిల్ ధీరూభాయ్ అంబానీ వెంచర్స్ ప్రైవేట్ లిమిటెడ్ రిలయన్స్ క్యాపిటల్‌కు 10 సంవత్సరాల పాటు రాయల్టీ ఫ్రీ బ్రాండ్ పేరును ఉపయోగించడానికి అనుమతి ఇచ్చింది. దీని గడువు ముగిసింది.

బ్రాండ్ రిలయన్స్‌ని ముఖేష్ అంబానీ, అనిల్ అంబానీ సంయుక్తంగా కలిగి ఉన్నారు. ఏ ఇతర సంస్థ లేదా వ్యక్తి దానిని ఉపయోగించడానికి అనుమతించబడదు. డిసెంబర్ 21, 2022 నిర్ణీత గడువుకు 24 గంటల ముందు హిందూజా గ్రూప్ రూ.9,650 కోట్ల రిజల్యూషన్ ప్లాన్‌ను సమర్పించింది. NCLT ముంబై 2024 ఫిబ్రవరిలో గ్రూప్ ఇండస్ఇండ్ ఇంటర్నేషనల్ హోల్డింగ్స్ ప్రణాళికను ఆమోదించింది.