ఎస్బీఐ నుంచి అమితాబ్ బచ్చన్‌కు ప్రతి నెల లక్షల రూపాయల ఆదాయం: ఎలాగంటే..?

ముంబై: బాలీవుడ్ ఎవర్ గ్రీన్ సూపర్ స్టార్, బిగ్ బీ అమితాబ్ బచ్చన్ బ్రాండ్ నేమ్.. వేల కోట్ల రూపాయలను పలుకుతోంది. ఆయన నటించే సినిమాలు మొదలుకుని అడ్వర్టయిజ్‌మెంట్ల దాకా ప్రతిదీ వందల కోట్ల రూపాయలను ఆర్జించి పెట్టేవే. ఆయన వయస్సు 78 సంవత్సరాలు. ఈ వయస్సులో కూడా తన పేరుకు ఉన్న బ్రాండ్ ఇమేజ్ ద్వారా ప్రతినెలా కోట్ల రూపాయలను ఆర్జిస్తున్నారు. సోనీలో టెలికాస్ట్ అయ్యే కౌన్ బనేగా కరోడ్‌పతి ద్వారా వచ్చే ఆదాయం అత్యధికం.

ఇక సినిమాలు, వాణిజ్య ప్రకటనల్లో నటించడం ద్వారా వచ్చే రాబడితో ఆయన తీరిక లేకుండా గడుపుతున్నారు. తాజాగా- స్టేట్ బ్యాంక్ ఇండియా నుంచి ఆయనకు లక్షలాది రూపాయల మేర ఆదాయం అందుతోంది ప్రతినెలా. దీనికి కారణం- ముంబైలో అత్యంత కమర్షియల్ ప్రాంతంలో ఉండే రెండు బంగళాలను ఆయన స్టేట్ బ్యాంక్ ఇండియాకు లీజుకు ఇవ్వడమే. అమితాబ్ బచ్చన్ తన కుటుంబంతో కలిసి ముంబై జుహు ప్రాంతంలో నివసిస్తున్నారు.

అదే ఏరియాలో ఆయనకు రెండు బంగళాలు ఉన్నాయి. వాటి పేర్లు- వత్స, అమ్ము. 3,150 చదరపు అడుగుల విస్తీర్ణంలో నిర్మించారు వాటిని. ఈ రెండు బంగళాల గ్రౌండ్ ఫ్లోర్లను స్టేట్ బ్యాంక్ ఆఫ్ ఇండియా లీజుకు తీసుకుంది. దీనికోసం అమితాబ్ బచ్చన్‌కు ప్రతి నెలా 18.90 లక్షల రూపాయలను అద్దె రూపంలో చెల్లిస్తుంది. ఇదివరకు ఇదే గ్రౌండ్ ఫ్లోర్‌లో సిటీబ్యాంక్ అద్దెకు ఉండేది. 2019 జూన్‌లో లీజు కాల పరిమితి ముగియడంతో సిటీబ్యాంకు దీన్ని ఖాళీ చేసింది.

ఆ తరువాత స్టేట్ బ్యాంక్ ఆఫ్ ఇండియా లీజుకు తీసుకుంది. లీజు కాల పరిమితి 15 సంవత్సరాలుగా నిర్ధారించారు. ప్రతి అయిదు సంవత్సరాలకు ఒకసారి 25 శాతం అద్దె పెంచుకునేలా అగ్రిమెంట్ కుదిరింది. దీని ప్రకారం2.26 కోట్ల రూపాయలను స్టేట్ బ్యాంక్ ఇండియా అధికారులు బ్యాంకులో డిపాజిట్ చేసినట్లు ఓ రియల్ ఎస్టేట్ వెబ్‌సైట్ తెలిపింది. ఇదే జుహూ ప్రాంతంలో కమర్షియల్ భవనాల అద్దె ఒక చదరపు అడుగునకు 450 రూపాయల నుంచి 650 రూపాయల వరకు ఉంటోంది. ఇండిపెండెంట్ బంగళాల అద్దె కోట్ల రూపాయల్లోనే