చిన్నారుల భవిష్యత్తు కోసం AI పాఠశాలల్లో తప్పనిసరి చేస్తున్నా CBSE కొత్త ఫ్రేమ్‌వర్క్

ఇప్పుడు ప్రపంచం అంతా ఆర్టిఫిషియల్ ఇంటెలిజెన్స్ (AI) చుట్టూనే తిరుగుతుంది. ఇది కేవలం ఒక కొత్త టెక్నాలజీ కాదు... మన పని చేసే విధానం, నేర్చుకునే విధానం, జీవించే విధానం అన్నీ మార్చేస్తున్న శక్తివంతమైన సాధనం. రోబోలు, చాట్‌బాట్లు, ఆటోమేటిక్ సిస్టమ్స్ ఇవన్నీ ఇప్పటికే మన రోజువారీ జీవితంలోకి వచ్చేశాయి. ఇలాంటి సమయంలో, ఈ టెక్నాలజీని మనం సరైన దారిలో ఉపయోగించడం చాలా ముఖ్యం. అందుకే ఇప్పుడు AIని పాఠశాల స్థాయిలోనే విద్యలో భాగం చేయడం చాలా అవసరం అయింది. చిన్నప్పటినుంచే పిల్లలకు ఈ టెక్నాలజీ గురించి అవగాహన కలిగిస్తే, వారు భవిష్యత్తులో కొత్త రకాల ఉద్యోగాలకు సిద్ధమవుతారు, ఇన్నోవేటర్లుగా ఎదుగుతారు. ఈ దిశగా భారత ప్రభుత్వం కూడా పెద్ద నిర్ణయం తీసుకుంది.

భారత విద్యా మంత్రిత్వ శాఖ ఒక పెద్ద అడుగు వేస్తోంది. 2026-27 విద్యా సంవత్సరం నుంచే దేశవ్యాప్తంగా ఉన్న పాఠశాలల్లో "3వ తరగతి నుంచే ఆర్టిఫిషియల్ ఇంటెలిజెన్స్ (AI)" ను పాఠ్యాంశంలో భాగంగా తీసుకురావాలని ప్లాన్ చేస్తున్నారు. దీనికోసం CBSE ప్రత్యేక ఫ్రేమ్‌వర్క్‌ను తయారు చేస్తోంది.

విద్యాశాఖ కార్యదర్శి సంజయ్ కుమార్ మాట్లాడుతూ "వచ్చే రెండేళ్లలోనే విద్యార్థులు, టీచర్లు ఈ టెక్నాలజీకి అలవాటు పడేలా త్వరగా పని చేయాలి. దేశంలో 1 కోటి మందికి పైగా టీచర్లను శిక్షణ ఇవ్వడం ఒక పెద్ద సవాలు. CBSE ప్రస్తుతం AI ని క్లాస్ వారీగా ఎలా చేర్చాలో ప్లాన్ చేస్తోంది." ఇప్పటికే కొన్ని పాఠశాలల్లో పైలట్ ప్రాజెక్ట్ గా AI టూల్స్ ఉపయోగించి టీచర్లు లెసన్ ప్లాన్లు సిద్ధం చేస్తున్నారు. "మా టార్గెట్ విద్యార్థులు, టీచర్లు ఇద్దరూ డిజిటల్ ఎకానమీకి సన్నద్ధం కావడం," అని ఆయన చెప్పారు.

ఇప్పటికే దేశంలో 18,000కి పైగా CBSE పాఠశాలల్లో 6వ తరగతి నుంచే "15 గంటల స్పెషల్ మాడ్యూల్" ద్వారా AIని స్కిల్ సబ్జెక్ట్‌గా బోధిస్తున్నారు. 9-12 తరగతుల్లో ఇది ఐచ్చిక సబ్జెక్ట్ గా కూడా అందుబాటులో ఉంది.

భారతదేశంలో టాప్ 10 మ్యూచువల్ ఫండ్స్ 2025

NITI Aayog విడుదల చేసిన "AI & Jobs" నివేదికలో భవిష్యత్తు ఉద్యోగాల గురించి స్పష్టమైన చిత్రాన్ని చూపించింది. ఈ నివేదిక ప్రకారం, రాబోయే కాలంలో సుమారు 20 లక్షల సంప్రదాయ ఉద్యోగాలు తగ్గే అవకాశం ఉంది. ఎందుకంటే AI టెక్నాలజీ రాకతో చాలా పనులు ఆటోమేటిక్ అవుతాయి. ఉదాహరణకు, డేటా ఎంట్రీ, సింపుల్ కస్టమర్ సర్వీస్, లేదా రొటీన్ ఆఫీస్ పనులు - ఇవన్నీ రోబోలు లేదా AI సిస్టమ్స్ సులభంగా చేయగలవు. దీనివల్ల పాత విధానంలో ఉన్న ఉద్యోగాలపై ప్రభావం పడుతుంది.

అయితే మరోవైపు, ఇదే టెక్నాలజీ కొత్త రకాల ఉద్యోగాలకూ దారులు తెరుస్తుంది. నివేదిక ప్రకారం, సరైన వాతావరణం, శిక్షణ, వనరులు ఉంటే 80 లక్షల కొత్త ఉద్యోగాలు సృష్టించే అవకాశం ఉంది. ఇందుకోసం ప్రభుత్వం, ప్రైవేట్ రంగం, విద్యాసంస్థలు కలిసి పనిచేయాలి. మంచి కంప్యూటింగ్ సదుపాయాలు, డేటా యాక్సెస్, మరియు శిక్షణ అందిస్తే, మన యువత AIలో నైపుణ్యాలను పెంపొందించుకుని భవిష్యత్‌కు తగిన టాలెంట్‌గా మారగలరు. అందుకే భారతదేశం AI మిషన్ మరియు భారతదేశం AI టాలెంట్ మిషన్ మధ్య సమన్వయం చాలా ముఖ్యం అని నివేదిక స్పష్టం చేస్తోంది.

నివేదిక స్పష్టంగా చెబుతోంది "భారత్ AI రంగంలో ముందుండాలంటే ఇప్పుడు నుండే నిర్ణయాత్మకంగా, బలమైన అడుగులు వేయడం చాలా అవసరం. ప్రభుత్వం, ఇండస్ట్రీ, అకాడమియా అన్నీ కలిసి పనిచేస్తే, కేవలం ఉద్యోగాలను కాపాడడమే కాకుండా, భారత్ ప్రపంచ AI రంగంలో నాయకత్వ స్థానాన్ని సాధించడానికి కూడా సిద్దమవుతుంది. ఇది మన యువత, విద్యార్థులు, పరిశోధకుల భవిష్యత్తుకి పెద్ద అవకాశాలను తెరుస్తుంది."