Knight Frank: హైదరాబాద్ కంటే బెంగళూరులోనే ఇళ్ల ధరలు తక్కువ..!

2019 ప్రీ-పాండమిక్ సంవత్సరం నుంచి దేశంలో గృహ స్థోమత మెరుగుపడింది. కరోనా సమయంలో కాసత తగ్గినప్పటికీ తర్వాత మళ్లీ పుంజుకుంది. కొన్ని నగరాల్లో ఇళ్ల ధరల భారీగా పెరిగాయి. ఉదాహరణకు ముంబైలో ఇళ్ల ధరలు భారీగా ఉన్నాయి. ఆ తర్వాత హైదరాబాద్ లో కూడా ఇళ్ల ధరలు భారీగా ఉన్నాయని నైట్ ఫ్రాంక్ ఇండియా పేర్కొంది. అహ్మదాబాద్, కోల్‌కతా వంటి నగరాల్లో ఇళ్ల ధరలు తక్కువగా ఉన్నాయని వివరించింది.

నైట్ ఫ్రాంక్ ఇండియా యాజమాన్య స్థోమత సూచిక ప్రకారం, ద్రవ్యోల్బణంలో నియంత్రణ, వడ్డీ రేట్ల తగ్గుదల ధోరణితో నడిచే గృహ స్థోమత 2024లో మెరుగుపడుతుందని అంచనా వేసింది. 2023లో గృహాలకు EMI, ఆదాయ నిష్పత్తి క్షీణించిందని పేర్కొంది. అహ్మదాబాద్ దేశంలోనే అత్యంత సరసమైన గృహాల మార్కెట్‌గా 21 శాతం స్థోమత నిష్పత్తిని కలిగి ఉంది. అహ్మదాబాద్‌లోని ఒక సగటు కుటుంబం గృహ రుణాల కోసం EMI చెల్లించడానికి తన కుటుంబ ఆదాయంలో 21 శాతం ఖర్చు చేయాల్సి చేస్తోందని నైట్ ఫ్రాంక్ తెలిపింది.

తదుపరి అత్యంత సరసమైన హౌసింగ్ మార్కెట్లలో పూణె, కోల్‌కతా 24 శాతం చొప్పున ఉన్నాయి. కోల్‌కతా దాని నిష్పత్తి స్థాయిలు 2022 నుంచి 1 శాతం.. 2019 నుంచి 8 శాతం మెరుగుపడటంతో రెండవ స్థానానికి చేరింది. "2024-25 ఆర్థిక సంవత్సరంలో స్థిరమైన GDP వృద్ధి, ద్రవ్యోల్బణంలో నియంత్రణను అంచనా వేయడం, స్థోమత బలపడుతుందని భావిస్తున్నారు. అంతేకాకుండా గృహ రుణ వడ్డీ రేట్ల తగ్గింపుకు దారితీస్తుందని విస్తృతంగా అంచనా వేసినట్లుగా 2024లో ఆర్‌బిఐ రెపో రేటును తగ్గించాలని నిర్ణయించుకుంటే, 2024లో గృహాల స్థోమత గణనీయంగా వృద్ధి చెందుతుంది" అని నైట్ ఫ్రాంక్ ఇండియా ఛైర్మన్ & మేనేజింగ్ డైరెక్టర్ శిశిర్ బైజల్ అభిప్రాయపడ్డారు.

దేశంలో అత్యంత ఖరీదైన రెసిడెన్షియల్ మార్కెట్ గా ముంబై నిలిచింది. ఇక్కడ ఆదాయంలో 50 ఈఎంఐ చెల్లిస్తున్నారు. ఏది ఏమైనప్పటికీ, ముంబై దాని స్థోమత సూచికలో 2022లో 53 శాతం నుండి 2023లో 51 శాతానికి 2 శాతం మెరుగుపడింది. భారతదేశంలో అత్యంత ఖరీదైన రెసిడెన్షియల్ మార్కెట్లలో హైదరాబాద్ రెండో స్థానంలో ఉంది. 30 శాతం స్థోమత స్థాయి 2022 నుంచి మారలేదు. నేషనల్ క్యాపిటల్ రీజియన్ (NCR) చౌక మార్కెట్ కాదు. అయితే 2022లో 29 శాతం నుండి 2023లో 27 శాతానికి చేరుకుంది.